Dombivili Crime News: घरकाम करणारी महिला निघाली चोर; विश्वास संपादन करून मालकाच्या मुलीच्या घरी केली चोरी

अभिजित देशमुख 
डोंबिवली : घरकाम करणाऱ्या नोकरांना घरातील माहिती असल्याने यातूनच मालकाचा विश्वासघात करत असल्याच्या अनेक घटना उघडकीस आल्या आहेत. अशीच घटना डोंबिवली (Dombivali) पूर्व सागरली परिसरात घडली आहे. मालकाचा विश्वास संपादन करत कामवालीने मालकाच्या मुलीच्या घरातील तब्बल (Crime) साडेबारा तोळे सोने चोरले आहेत. (Maharashtra News)

डोंबिवली जीमखाना रोडला असलेल्या सांगर्लीतील तारांगण सोसायटीत स्वाती आपटे या शिक्षिका राहतात. त्यांच्या वडिलांच्या घरी कल्पना सुर्वे हि महिला घरकाम करायची. कल्पनाने आपटे यांचा विश्वास संपादन करत त्यांच्या घरी साफसफाईचे काम करणे सुरू केले. सफाई काम करता करता कल्पना हिने त्यांच्या घरातील तब्बल साडे बारा तोळे सोने लंपास केले. घरातील सोने चोरीला (Theft) गेल्याचे लक्षात येताच याबाबत टिळक नगर पोलीस ठाण्यात तक्रार नोंदवली.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

९६ हजारांचे सोने हस्तगत 

डोंबिवली पूर्व सागरली परिसरात घडली. या प्रकरणी टिळकनगर पोलीस ठाण्यात तक्रार दाखल करण्यात आली. या तक्रारीनंतर टिळक नगर पोलीसानी कल्पना सुर्वे या महिलेला अटक केली आहे. तिच्याकडून ९६ हजारांचे सोने हस्तगत केलं आहे.