गणेश कवडे, साम टीव्ही प्रतिनिधी
मुंबई : मराठा आरक्षणावरून मनोज जरांगे पाटील आणि सत्ताधाऱ्यांमध्ये आरोप-प्रत्यारोप सुरुच आहे. मनोज जरांगे पाटील यांनी पुन्हा एकदा आरोप केल्यानंतर उपमुख्यमंत्री देवेंद्र फडणवीस यांनी प्रत्युत्तर दिलं आहे. 'मुख्यमंत्री एकनाथ शिंदे यांनी सांगितलं की मराठा आरक्षणाचा निर्णय घेताना मी थांबवलं तर मी पदाचा राजीनामा देईन आणि राजकारणातून निवृत्त होईल, असं प्रत्युत्तर देवेंद्र फडणवीस यांनी मनोज जरांगे पाटील यांना प्रत्युत्तर दिलं आहे.
मनोज जरांगे पाटील यांच्या आरोपांना प्रत्युत्तर देताना देवेंद्र फडणवीस म्हणाले, 'मनोज जरांगे पाटील यांचं माझ्या वर विशेष प्रेम आहे हे मला माहिती आहे. राज्याचे सगळे अधिकार मुख्यमंत्र्यांकडे असतात. मुख्यमंत्र्यांनी दिलेल्या अधिकारातून राज्यातील सर्व मंत्री काम करतात. मी एकनाथ शिंदे यांच्यासोबत एकत्रितपणे काम करतो. जरांगेंना माझा पूर्ण पाठिंबा आणि पाठबळ आहे. त्यामुळे त्या प्रश्नाचे उत्तर मुख्यमंत्री एकनाथ शिंदेंना विचारावं लागेल'.
'मुख्यमंत्री शिंदे यांनी सांगितलं की मराठा आरक्षणाचा निर्णय घेताना मी थांबवलं तर मी पदाचा राजीनामा देईन आणि राजकारणातून निवृत्त होईल. आतापर्यंत मराठा समाजासाठी मी आणि मुख्यमंत्री एकनाथ शिंदे यांनी निर्णय घेतले आहेत. मी मुख्यमंत्र्यांच्या पाठिशी राहिलो आहे. जाणीवपूर्वक नरेटिव्ह तयार करण्याचा प्रयत्न केला जातोय. तो अयोग्य आहे, असे फडणवीस म्हणाले.
मुख्यमंत्री एकनाथ शिंदे म्हणाले, 'देवेंद्र फडणवीस यांच्या म्हणण्यामध्ये तथ्य आहे. आम्ही आरक्षण देताना तिघे एकत्र बसलो. प्रत्येक बैठकीत देवेंद्र फडणवीस होते. त्यांची मोलाची भूमिका होती. विरोधी पक्षाने विरोध केला. त्यांनी सहकार्य करायला हवंय. मराठा समजाला विरोध करत असून हे चुकीचं आहे'.
देवेंद्र फडणवीस आरक्षणात अडचण आहे. देवेंद्र फडणवीस यांचे गणित चुकणार आहे, नाही चुकले तर माझं नाव फिरून ठेवा, असे मनोज जरांगे पाटील म्हणाले होते.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.