'या' अस्थी कोणाच्या? भाईंदरच्या स्मशानभूमीत शेकडो अस्थी धूळ खात

भाईंदर पश्चिमेकडील भोला नगर संकुलातील स्मशानभूमीत कोरोनाच्या काळात मृत्युमुखी पडलेल्या अनेकांच्या अस्थी त्यांच्या कुटुंबीयांच्या प्रतीक्षेत स्मशानभूमीच्या दारात पडून आहेत. कोरोनाच्या काळात कोरोना विषाणूचा प्रादुर्भाव वाढल्याने मृतांचे कुटुंबीय आपल्या नातेवाईकांचा अस्थिकलश घेत नसल्याचे दिसून आले आहे. कोरोना मुळे अनेकांचा मृत्यु झाला, अनेकांचे संपूर्ण घर उध्वस्त झाले. परंतु मृत्युमुखी पडलेल्या लोकांच्या अस्थी भाईंदर च्या स्मशानभूमीत कपाटत पडून आहेत. हिंदू मान्यते अनुसार अस्थी विसर्जन नंतर मृत व्यक्ती ला मुक्ती मिळते, परंतु मीरा भाईंदर मध्ये शेकडो अस्थीकलश आपल्या प्रियजनांच्या प्रतीक्षेत आहेत. महापालिका प्रशासन कडून अस्थीकलाश असलेल्यांच्या नातेवाईकांचा शोध घेत असल्याचे सांगण्यात येत आहे.

कोरोनाच्या दुसऱ्या लाटेत मीरा भाईंदर शहरात कोरोना ने मृत्यूच्या संख्येत वाढ झाली होती. लोकांमध्ये भिती चे वातावरण निर्माण झाले होते. अश्यावेळी मृत झालेल्या रुग्णांवर अंत्यसंस्कार करण्यासाठी नातेवाईकांना मज्जाव करण्यात आला होता, त्यामुळे त्यांच्या अस्थी आजही विसर्जनाच्या प्रतीक्षेत आहेत.

Edited By: Pravin Dhamale