सातारा प्रकरणावरून महायुतीत तणाव वाढल्याचे समोर येत आहे
सातारा राड्यावरून शिंदे गटाच्या आमदारांचं आंदोलन
फडणवीसांची शिंदेंकडे नाराजी स्पष्टपणे व्यक्त
गणेश कवडे, साम टीव्ही
सातारा प्रकरणावरून राज्यातील घडामोडींना वेग आला आहे. सातारा जिल्हापरिषदेच्या अध्यक्ष आणि उपाध्यक्ष निवडीवरून झालेल्या राड्याचे पडसाद काल विधीमंडळात उमटले. उपमुख्यमंत्री एकनाथ शिंदे यांनीही उघड नाराजी व्यक्त केली होती. शिंदे गटाच्या आमदारांनी सभागृहाच्या पायऱ्यावर आंदोलन केलं. यावरून आता मुख्यमंत्री देवेंद्र फडणवीस यांनीही नाराजी व्यक्त केली.
सातारा जिल्हा परिषद अध्यक्ष आणि उपाध्यक्ष निवडीमुळे महायुतीत वादाची ठिणगी पडल्याचे उघड झालं. यावरून विधीमंडळात पडसाद उमटल्यानंतर उपमुख्यमंत्री एकनाथ शिंदे यांनी रात्री उशिरा मुख्यमंत्री देवेंद्र फडणवीस यांची भेट घेतली. त्यावेळी मुख्यमंत्री देवेंद्र फडणवीस यांनी शिवसेनेची राजकीय खेळी आणि शंभूराज देसाईंच्या आरोपांवर तीव्र नाराजी व्यक्त केली.
भाजप सामंजस्याची भूमिका घेत असला तरी साताऱ्यासारखे प्रकार खपवून घेणार नाही, अशी स्पष्ट भूमिका मुख्यमंत्री फडणवीसांनी एकनाथ शिंदेंसमोर मांडली. सांगली प्रकरणावरूनही त्यांनी असहमती दर्शवल्याचे समोर आलं आहे.
साताऱ्यात नेमकं काय घडलं होतं?
सातारा जिल्हा परिषदेच्या अध्यक्ष, उपाध्यक्ष निवडीदरम्यान राडा झाला होता. भाजपकडे संख्याबळ नसताना त्यांचा अध्यक्ष ,उपाध्यक्ष झाल्याने हायव्होल्टेज ड्रामा झाला. यावेळी मंत्री शंभूराजे देसाई यांना दुखापत झाली होती. त्यानंतर पोलिसी बळाचा वापर आणि प्रशासनाला हाताशी धरून निवड झाल्याचा आरोप मंत्री शंभुराज देसाई आणि मंत्री मकरंद पाटील यांनी केला होता. त्यानंतर सातारा प्रकरणावरून मंत्री शंभूराज देसाई यांनी सोमवारी विधिमंडळातही आवाज उचलला. त्यानंतर मंत्री जयकुमार गोरे यांनी तातडीने प्रत्युत्तर दिल्याचेही पाहायला मिळाला.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.