Mumbai Crime: खिडकीतून घुसून मॅकडोनाल्डमध्ये चोरी; संपूर्ण घटना सीसीटीव्हीमध्ये कैद, २ तासात आरोपी पोलिसांच्या जाळ्यात

संजय गडदे

Andheri Crime News: मुंबईत मागील काही दिवसांपासून चोरीच्या घटनांमध्ये वाढ झाली आहे. मुंबईच्या अंधेरी पूर्वेकडील मॅकडोनाल्ड शॉपमध्ये देखील चोरी झाल्याचे प्रकरण उघडकीस आले आहे. मॅकडोनाल्ड शॉपच्या बंद खिडकीतून आत घुसून दोन चोरांनी गल्ल्यातील रक्कम चोरी केल्याची घटना सीसीटीव्ही मध्ये कैद झाली आहे.

सफाई कर्मचाऱ्यांच्या लक्षात येताच त्यांनी अंधेरी पोलिसांना कळविल्यानंतर पोलिसांनी घटनास्थळावरील सीसीटीव्ही फुटेज पाहून आरोपींची ओळख पटवली आणि आरोपींना अवघ्या दोन तासात अटक केली आहे. विजय पाले (29 वर्षे) आणि प्रणिकेत भोसले अशी अटक करण्यात आलेल्या आरोपीची नावे आहेत.  (Latest Marathi News)

मिळालेल्या माहितीनुसार, काल रात्री 1 वाजता मॅकडोनाल्ड शॉप बंद करून कर्मचारी घरी निघून गेले. जाताना दरवाज्याच्या बाजूची खिडकी दूध घेण्यासाठी शटर न लावत नेहमीप्रमाणे लावून ठेवली. त्यावेळी दुकानातील सफाई कर्मचारी लॉबीमध्ये साफसाफाई करू लागले.

दरम्यान 3.10 वाजताचे सुमारास कोणीतरी अज्ञात व्यक्ती कॅश काऊंटरमधून चोरी करत असल्याचे एका कामगाराने पाहिले. सीसीटीव्ही (CCTV) फुटेज तपासणी करून पाहिले असता दोन अज्ञात व्यक्ती चोरी करताना दिसून आले. त्याने तात्काळ अंधेरी (Andheri) पोलीस ठाण्यात तक्रार दिली. (Crime News)

अंधेरी पोलिसांनी गुन्हा दाखल करून वरिष्ठ पोलीस निरीक्षक संताजी घोरपडे यांच्या मार्गदर्शनाखाली तपासी अधिकारी पोउपनि अमित यादव, पो. शि. प्रविण कांबळ, पो.शि अविनाश जाधव, पो.शि. दत्ता टरके, पो.शि. वसंत नरबट यांनी घटनास्थळावर जाऊन सीसीटीव्ही फुटेजची तपासणी करून आरोपींची ओळख पटवली आणि गुप्त बातमीदाराच्या मदतीने आरोपींचा ठिकाण शोधून काढून आरोपींना अवघ्या दोन तासात अटक केली आहे सध्या आरोपी अंधेरी पोलिसांच्या ताब्यात असून त्यांना आज न्यायालयात नेले जाणार आहे.