BMC Election 2025 : ठाकरे बंधू एकत्र, मुंबई महापालिका कोण जिंकणार? भाजप नेत्यांचं मोठ भाष्य, VIDEO

मुंबई महापालिकेचे पडघम वाजायला सुरुवात झाली आहे. आगामी निवडणुकीच्या पार्श्वभूमीवर राजकारण तापायला सुरुवात झाली आहे. निवडणुकीसाठी ठाकरे बंधू एकत्र येण्याची शक्यता व्यक्त केली जात आहे. या ठाकरे बंधू एकत्र येण्यावर भाजपचे मुंबई अध्यक्ष अमित साटम यांनी भाष्य केलं.

अमित साटम म्हणाले, 'महापालिका निवडणुकीत कोण एकत्र आलं, कोण एकत्र आलं नाही, याला महत्व नाही. मुंबईकरांची सेवा कोणी केली. मुंबईकरांना कोस्टल रोड आणि अटल सेतू कोणी दिला. मराठी माणसाला बीडीडी चाळीत घर कोणी दिलं. कोव्हिड काळात जमिनीवर उतरून काम केलं. ऑनलाइन कोण होतं आणि ऑफलाइन कोण होतं.

'उद्धव ठाकरे आजारी असताना त्यांनी उतरावं, अशी अजिबात अपेक्षा नव्हती. त्यांचे इतर नेते होते. युवा नेते होते. युवराज होते, ते कुठे होते. कोव्हिड सेंटर स्थापन होत होतं. रिकाम्या सेंटरचा फोटो काढला. सेंटर चालू झाल्यावर एकदाही आले नाहीत. घरात बसणाऱ्या लोकांवर आम्ही बोललो, असं म्हणत ठाकरे गटावर टीका केली.

अमित साटम यांनी कोव्हिड काळात शिवसेनेचे नेते घरात बसून होते, असं म्हणत जोरदार टीका केली. अमित साटम यांच्या टीकेनंतर ठाकरे गटाकडून काय प्रत्युत्तर दिलं जातं, हे पाहावे लागेल.