Mumbai Municipal Corporation Budget: BMC चा बजेट 'BEST'साठी ठरला 'बेस्ट'; एक हजार कोटींची तरतूद

Eknath Shinde On BMC Budget : करवाढ, शुल्कवाढ, भुर्दंडवाढ नसलेला असा मुंबई महापालिकेचा अर्थसंकल्प असल्याचं उपमुख्यमंत्री एकनाथ शिंदे म्हणालेत.
Mumbai Municipal Corporation Budget
Eknath Shinde On BMC Budget Saa Tv
Published On

मुंबई महापालिकेत आज अर्थसंकल्प सादर करण्यात आला. या बजेटमध्ये ‘बेस्ट’ साठी एक हजार कोटींची तरतूद करण्यात आलीय. मुंबईतल्या पर्यटनाला चालना देतानाच इथला प्रवास वेगवान करण्यावरही भर देण्यात आलाय. बीएमसीचा अर्थसंकल्प सादर केल्यानंतर उपमुख्यमंत्री एकनाथ शिंदे यांनी प्रतिक्रिया दिलीय. मुंबईत काय आणि कसा विकास होऊ शकतो, विरोधकांना कळलंय. अडीच वर्षात मुबंईत कशाप्रकारे विकास होऊ शकतो, आम्ही दाखवून दिलंय, असं म्हणत त्यांनी विरोधकांवरही टीका केलीय.

मुंबई प्रदुषणमुक्त, खड्डेमुक्त आणि भ्रष्टाचार मुक्त मुंबई हा दिलेला शब्द खरा करून दाखवत आहोत. पंतप्रधान नरेंद्र मोदी यांच्या नेतृत्वाखाली ग्लोबल मुंबई ही देशाचं फिनटेक कॅपिटल म्हणून आकाराला येत आहे. जगाच्या नकाशावर मुंबई दिमाखाने तळपताना दिसेल त्याचाच हा शुभारंभ असल्याचेही उपमुख्यमंत्री शिंदे यांनी यावेळी सांगितले. मुंबई महापालिकेने आज कोणतीही करवाढ, शुल्कवाढ, भुर्दंडवाढ नसलेला अर्थसंकल्प सादर केल्याने सामान्य मुंबईकरांना दिलासा मिळालाय.

Mumbai Municipal Corporation Budget
Maharashtra Politics: शिवसेना पुन्हा फुटणार? शिंदे गटातील नेते भाजपात जाणार; संजय राऊतांचा दावा

सकारात्मक, विकासाभिमुख, विद्यार्थ्यांपासून ते चाकरमान्यांपर्यंत आणि गरीब कष्टकऱ्यांपासून ते उद्योजकांपर्यंत सर्व वर्गांच्या शिक्षण, आरोग्य, स्वच्छता आदी सुविधांचा विचार करणारा हा अर्थसंकल्प आधुनिक मुंबईचा शुभारंभ ठरेल, असेही एकनाथ शिंदे म्हणालेत. मंत्रालयात मंत्रिमंडळाच्या बैठकीनंतर माध्यमांच्या प्रतिनिधींशी संवाद साधताना उपमुख्यमंत्री शिदे बोलत होते.

Mumbai Municipal Corporation Budget
Maharashtra Politics: एकनाथ शिंदेंच्या ठाण्यात भाजपचा दरबार; ठाणे महापालिकेसाठी गणेश नाईक मैदानात

मुंबई महापालिकेचा ७४ हजार ४२७ कोटी रुपयांचा अर्थसंकल्प आज सादर झाला. मुंबई वेगाने कात टाकत आहे. विकसित होत आहे. आम्ही दोन टप्प्यात मुंबईच्या रस्त्यांचं काँक्रिटीकरण केले. ग्लोबल मुंबईची चाहूल देणाऱ्या अर्थसंकल्पासाठी आयुक्त भूषण गगराणी आणि अतिरिक्त आयुक्त अभिजित बांगर यांचं उपमुख्यमंत्र्यांनी अभिनंदन केलं. भविष्यासाठी मुंबई वेगाने कात टाकतेय हे या अर्थसंकल्पातून स्पष्ट होईल, असे सांगत उपमुख्यमंत्री शिंदे म्हणाले, अर्थसंकल्पात ४३ हजार कोटी विकासकामांवर खर्च होणार आहेत. त्यावरुन मुंबईचा विकास राज्य सरकारने आणि केंद्र सरकारनं किती गांभीर्याने घेतल्याचं दिसत आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com