1 कोटी 10 लाख चोरणाऱ्या आरोपींना बिकेसी पोलिसांकडून अटक

अंगात रेनकोट, तोंडावर मास्क आणि केस पूर्ण झाकून ओळख पटणार नाही याची पूर्ण काळजी घेऊन 1 कोटी 10 लाख चोरणाऱ्या आरोपीला बिकेसी पोलिसांकडून अटक करण्यात आली आहे. बिकेसीमधल्या कमानी फूड्स प्रायव्हेट लिमिटेड या कंपनीत मागच्या महिन्यात चोरी झाली होती. आरोपीने ओळख पटू नये याची पूर्ण काळजी घेतली असतानाही बिकेसी पोलिसांनी या प्रकरणात आरोपींचा माग काढला आणि तिघांना अटक करण्यात पोलिसांना यश आलं आहे.

अटक करण्यात आलेल्यापैकी कमानी फूड्स या कंपणीतच काम करणाऱ्या समीर जाधव याच्यासहित दोघांना अटक करण्यात आली आहे. चोरी करताना आरोपीने आरडीएफ कार्डचा वापर करून दरवाजा उघडला होता ज्यामुळे पोलिसांना शोधण्यात यश आलं आहे. चोरीतील एक कोटी 8 लाख रुपये रक्कम परत मिळवण्यात आली आहे.