बदलापूर नगरपालिकेची अनधिकृत बांधकामांविरोधात मोठी मोहीम
४००हून अधिक बेकायदेशीर बांधकामे जमीनदोस्त
अंबरनाथ-बदलापूर व पनवेल हायवे लगत कारवाई
मुंबई हायकोर्टाच्या आदेशानुसार कारवाई
मयुरेश कडव, बदलापूर
कल्याण डोंबिवली नंतर बदलापूरमध्ये देखील नगरपालिका प्रशासनानं अनधिकृत बांधकामांविरोधात धडक मोहीम हाती घेतली आहे. या मोहिमेत ४०० हून अधिक अनधिकृत बांधकामांवर हातोडा मारण्यात आला. या कारवाईत मोठ्या प्रमाणावर छोट्या व्यवसायिकांचे नुकसान झाले असून नागरिकांनी पालिकेच्या निर्णयाचे स्वागत केले आहे.
मिळालेल्या माहितीनुसार, आज दि २ फेब्रुवारी रोजी बदलापूर नगरपालिका प्रशासनानं अनधिकृत बांधकामांविरोधात धडक मोहीम हाती घेतली आहे. या बांधकामांबाबत अलीकडेच मुंबई उच्च न्यायालयानं पालिकेला आदेश दिले होते.
त्यानुसार नगरपालिकेनं शहरातील ४०० हून अधिक अनाधिकृत बांधकामांची यादी तयार करण्यात आली. पालिकेमार्फत अंबरनाथ-बदलापूर हायवे तसेच पनवेल हायवे लगतची अनधिकृत बांधकामं जमीनदोस्त करण्यात आली आहे.
पुढील आठ ते दहा दिवस ही कारवाई सुरू राहणार असून शहरातील ४०० हून अधिक अनधिकृत बांधकामं हटवण्यात येतील अशी माहिती पालिकेचे मुख्याधिकारी मारुती गायकवाड यांनी दिली आहे. गेल्या काही वर्षात बदलापूर शहरात मोठ्या प्रमाणात अनधिकृत बांधकामे झाली आहेत. यात व्यावसायिक दुकानांचं प्रमाण सर्वाधिक आहे. दरम्यान बदलापूर मधल्या नागरिकांनी या कारवाईचं स्वागत केल आहे
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.