मुंबई : राणा आणि ठाकरेंमध्ये पुन्हा वाद पेटलाय. अमरावतीच्या दर्यापूरमधील नवनीत राणांच्या सभेत झालेला राडा....भाजप नेत्या नवनीत राणा यांच्यावर हल्ला करण्याचा प्रयत्न झाला. नवनीत राणा यांच्या अंगावर खुर्च्या फेकण्यात आल्या. सुरक्षा रक्षकांनी प्रसंगावधान राखत राणांच्या दिशेने येणाऱ्या खुर्च्या रोखल्या. नवनीत राणा यांची सभा उधळण्याचाही प्रयत्न झाला. या घटनेनंतर भाजप आक्रमक झाली असून खल्लार ठाण्यात नवनीत राणा यांच्या नेतृत्वात ठिय्या करण्यात आला. नेमका काय प्रकार घडला पाहुया.
नवनीत राणांना यापूर्वीही अनेक धमक्या मिळाल्यात. 10 ऑक्टोबरला नवनीत राणा यांना धमकीचं पत्र आलं होतं. यामध्ये 10 कोटींच्या खंडणीची मागणी करण्यात आली होती. दरम्यान, सभेतील हल्ल्यानंतर राणांनी हल्लेखोरांना तात्काळ अटक करण्याची मागणी केलीये.
दरम्यान, या घटनेला आता राजकीय वळणं लागलंय..नवनीत राणा यांनी हल्ला प्रकरणावरुन अप्रत्यक्षपणे उद्धव ठाकरेंवर आरोप केलाय. ज्या प्रचारसभेत राडा झाला ते गाव उद्धव ठाकरेंच्या पक्षाच्या तालुकाध्यक्षाचं गावं होतं, असा आरोप नवनीत राणा यांनी केलाय.
गेल्या काही महिन्यात अमरावतीत सातत्यानं धार्मिक ध्रुवीकरणाच्या जोरावर राजकारण रंगताना पाहायला मिळतंय. लोकसभा निवडणुकीपूर्वीही अमरावतीत दोन गटात राडा झाला. आता पुन्हा राणांवरील हल्ल्यानं अमरावतीसह खल्लार गावाला छावणीचं स्वरुप आलंय.अशा तणावपूर्ण परिस्थितीत मतदार कोणाच्या पारड्यात कौल देणार आणि अमरावती शांत कोण ठेवणार हेच पाहायचं.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.