- सुशील थोरात
Nagar News : नगर महानगरपालिकेचे कर्मचारी आपल्या विविध मागण्यांसाठी मुंबई येथे मंत्रालयावर धडकण्यासाठी सोमवारी रवाना झाले. त्यामुळे गेल्या तीन दिवसांपासून शहरातील महानगरपालिकेचे सर्व कामकाज ठप्प झाले. दरम्यान भळवणी येथे आमदार संग्राम जगताप यांनी कर्मचा-यांना आश्वासित केल्यानंतर हा लाँग मार्चचा आज तिस-या दिवशी स्थगित करण्यात आला आहे. (Maharashtra News)
हा लाँग मार्च सुरू झाल्यावर नगर शहरचे आमदार संग्राम जगताप हे मुंबईत ठाण मांडून होते. आमदार संग्राम जगताप यांनी मुख्यमंत्री एकनाथ शिंदे (eknath shinde), उपमुख्यमंत्री अजित पवार तसेच उपमुख्यमंत्री देवेंद्र फडणवीस यांच्या समवेत बैठका घेऊन नगर महानगरपालिकेच्या कर्मचाऱ्यांच्या मागण्याबाबत मार्ग काढण्यासाठी प्रयत्न सुरू केले होते.
दहा ऑक्टोबरला उपमुख्यमंत्री अजित पवार यांच्याबरोबर मुंबई येथे बैठक आयोजित केली असून त्या ठिकाणी महापालिकेच्या कर्मचाऱ्यांच्या प्रश्नावर मार्ग निघेल असे आश्वासन आज (बुधवार) सकाळी आमदार संग्राम जगताप यांनी लाँग मार्च साठी निघालेल्या महानगरपालिकेच्या कर्मचाऱ्यांना भाळवणी येथे दिले.
यावेळी आमदार जगताप यांनी महानगरपालिका कर्मचाऱ्यांना आपला लॉंग मार्च मागे घ्यावा असे आवाहन केले. त्यानूसार अहमदनगर महानगरपालिकेच्या वतीने कामगार सेनेचे अध्यक्ष आनंद लोखंडे यांनी लॉंग मार्च मागे घेत असल्याची घोषणा केली.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.