Stray Dogs : खर्डीत भटक्या कुत्र्यांची दहशत, विद्यार्थींनीसह 15 जणांचा घेतला चावा

- फय्याज शेख

Shahapur News : शहापूर तालुक्यातील खर्डी ग्रामपंचायत हद्दीत भटक्या कुत्र्यांचा सुळसुळाट झाला आहे. या भटक्या कुत्र्यांनी तब्बल 15 जणांना चावा घेतला आहे. यामध्ये शाळकरी विद्यार्थ्याचा समावेश असल्याने पालक धास्तावले आहेत. (Maharashtra News)

या घटनांबद्दल मिळालेली माहिती अशी - शाळेत गेलेली सुप्रीया वाते सहावीत शिकणाऱी विद्यार्थ्यींनी पुन्हा वस्तीगृहात परत येताना भटक्या कुत्र्यांनी तिच्या पायाचा चावा घेतला. या विद्यार्थ्यांनीला सोडविण्यासाठी गेलेल्या नागरिकांचा देखील कुत्र्याने चावा घेतला.

यामुळे भटक्या कुत्र्यांची खर्डी गावात दहशत निर्माण झाली आहे. लहान मुलांना शाळेत कसे पाठवायचे अशा प्रश्न पालकांना पडला आहे. आतापर्यंत या कुत्र्यांनी 15 जणांना चावा घेतला आहे. या कुत्र्यांचा बंदोबस्त करण्याची मागणी ग्रामस्थांनी केली आहे.

महापालिका क्षेत्रातील भटके कुत्रे पकडून ग्रामीण भागात सोडले जात आहे. यामुळे ग्रामीण भागात देखील भटक्या कुत्र्यांचा विषय गंभीर होत चालला आहे अशी ग्रामस्थांचे म्हणणे आहे.

Edited By : Siddharth Latkar