Mumbai Terror Attack : 26/11चा हिरो छोटू चायवाला! 10 लोकांचे प्राण वाचवणारा आता करतोय आर्थिक संघर्षाचा सामना, व्यवसायाला बसला मोठा फटका

26/11 Mumbai Terror Attack News :

26 नोव्हेंबर 2008 रोजी देशाची आर्थिक राजधानी मुंबईत दहशतवाद्यांनी कहर केला होता. मुंबईतील या दहशतवादी हल्ल्याला आज 15 वर्ष पूर्ण झाली आहेत. 15 वर्षांपूर्वी, 26 नोव्हेंबरच्या रात्री मुंबईत अनेक घटना एकाच वेळी घडल्या. दहशतवादी निष्पाप लोकांचे रक्त सांडत असताना काही लोक आपल्या शौर्याने जीव वाचवत होते. लष्कर आणि सुरक्षा कर्मचाऱ्यांचा भाग नसतानाही हे भारतीय (Indian) खऱ्या नायकाच्या भूमिकेत होते. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

असाच एक नायक (Hero) होता छोटू चायवाला. छत्रपती शिवाजी महाराज टर्मिनस (CSMT) शेजारील सेंट जॉर्ज हॉस्पिटलसमोर, छोटू चायवाला म्हणून प्रसिद्ध असलेला मोहम्मद तौफिक शेख 25 वर्षांचा होता. 26/11 च्या दहशतवादी हल्ल्यातून थोडक्यात बचावला होता. तौफिकने मृत्यूची पर्वा न करता 10हून अधिक लोकांचे प्राण वाचवले होते.

या शौर्याबद्दल छोटू चायवाल्याला बरेच सन्मान मिळाले आहेत. आता छोटू चायवाल्याची ओळख ही 26/11 चा नायक म्हणून केली जाते. एकीकडे तौफिकला 26/11 चा नायक म्हणतात, तर दुसरीकडे आता स्टेशनवरचं चहाचं दुकान वाचवण्यासाठी धडपडतोय. पोलीस अतिक्रमणाचा हवाला देत दुकान हटवतात. तरीही त्याचे दूकान सध्या स्थित आहे.

जेव्हा मृतदेह पडू लागले, तेव्हा प्रवाशांना मागच्या मार्गाने बाहेर काढण्यात आले. एका वृत्तपत्राशी बोलताना तौफिक म्हणाले की, आजही तेच दृश्य डोळ्यांसमोर आहे. मी कसे विसरू शकतो? 15 वर्षांनंतरही त्याच घटनेबद्दल लोक त्यांचा सन्मान करतात. हे सांगताना तौफिकचा आवाज कर्कश होतो.

तौफिक सांगतात की, 26/11च्या दिवशीही तो चहासाठी पैसे घेण्यासाठी गेला होता. खूप गर्दी होती म्हणून मास्तर म्हणाले दहा मिनिटांनी ये. स्टेशनला लागून असलेल्या मेडिकल शॉपच्या बाहेर उभा होतो तेव्हा फटाके वाजत असल्याचे त्याना जाणवले. भारत-इंग्लंड सामना आहे त्यामुळे कदाचित त्या सामन्यादरम्यान फटाके फोडले जात असतील. आवाज वाढतच गेला. तिथे लाहानपणापासून राहत असल्यामुळे तेथे जाण्याचे सर्व मार्ग त्यांना माहित होते. काउंटरच्या आत जाऊन दरवाजा बंद केला आणि ओरडू लागले, तिकीट सोडा आणि पळा, बॉम्बचा स्फोट होत आहे. जे मेले होते त्यांना मागे सोडले होते पण जिवंतांना मागच्या मार्गाने बाहेर काढले.

समोरून काउंटर रूमचा दरवाजा तोडून एक माणूस आत आल्याचे दिसले तेव्हा 2-3 मिनिटे झाली होती. कमांडो त्यांना वाचवण्यासाठी आले असावेत, असे ते ओरडले, हे ऐकून त्याने शिवीगाळ केली आणि गोळीबार केला. तो कसाब होता. अनेक लोक कसेबसे बचावले. नंतर अनेक जखमींना हातगाडीतून रुग्णालयात नेण्यात आले.

क्राइम ब्रँचने साक्ष आणि ओळख करण्यास बोलावले होते. तौफिक म्हणाले की, गुन्हे शाखा मुंबईने साक्ष आणि ओळखीसाठी बोलावले. त्या वेळी वाटले की कसेतरी लोकांचे प्राण वाचवावे लागतील. तेव्हापासून आजपर्यंत अनेक संस्थांनी त्यांचा गौरव केला आहे. त्यावेळी रेल्वे अधिकाऱ्यांनी धाडसी चहा विक्रेत्या छोटूला नोकरी मिळेल अशी घोषणा केली मात्र आजही तो चहा विकत आहे.

त्यानंतरच्या कोरोना काळात त्याच्या व्यवसायाला मोठा धक्का बसला आणि तो जवळजवळ बंद केला. जगण्यासाठी, त्याने पैसे घेतले आणि सुमारे ₹ 20 लाखांचे कर्ज त्यांच्या डोक्यावर जमा झाले आहे. म्हाडाचे घर गहाण ठेवण्याचा प्रयत्न करूनही बँकांनी कर्ज देण्यास नकार दिला.ते त्यांचा व्यवसाय उधारीवर करत आहे.