![Woman 160kgs Falls Off Bed](http://media.assettype.com/saamtv%2F2023-09%2F87468834-8c5e-47d0-abf8-0415d8c1964e%2F160_kg_woman.jpg?w=480&auto=format%2Ccompress&fit=max)
ठाण्यातील विजयनगरी गृहसंकुलात एक १६० किलो वजनाची रुग्ण महिला बेडवरुन खाली पडली आहे. ती पडल्यानंतर पुन्हा वरती ठेवण्यासाठी आणि बचावासाठी थेट आपत्ती व्यवस्थापनाला बोलावण्यात आलं. या घटनेची सध्या संपूर्ण रुग्णालयात चर्चा रंगली आहे. (Latest Marathi News)
याबाबत अधिक माहिती अशी की, ठाण्याच्या घोडबंदर रोडवरील वाघबीळ परिसरातील विजयनगरी गृहसंकुलात १६० किलो वजन असलेली रुग्ण महिला खाटेवरून खाली पडली. तिला पुन्हा वरती ठेवण्यासाठी चक्क ठाणे पालिकेच्या आपत्ती व्यवस्थापन टीमला पाचारण करण्यात आले. आपत्ती व्यवस्थापनाच्या टीमने रुग्ण महिलेला सुखरूप पुन्हा बेडवर ठेवले.
सदर घटना गुरुवारी सकाळी ८ वाजण्याच्या सुमारास घडली. विजय नगरी एनेक्स इमारत क्रमांक १९, घोडबंदर रोड, ठाणे पश्चिम येथे इमारतीच्या ६ व्या माळ्यावर राहणाऱ्या प्रसाद वर्तक यांच्या घरी ६२ वर्षीय छाया शंकर वर्तक या आजारी महीला राहतात. त्या रात्री झोपेमध्ये घरातील बेडवरून खाली लादीवरती पडल्या होत्या.
सदर घटनास्थळी आपत्ती व्यवस्थापन कक्षाचे कर्मचारी यांनी १६० किलो वजन असणाऱ्या या महिलेला सुरक्षीत बेडवर पुन्हा ठेवले आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.