सचिन जाधव, प्रतिनिधी...
Pune Crime News: पुणे शहरात एका व्यावसायिकाला ५० लाख रुपयांची खंडणी मागितल्याचा धक्कादायक प्रकार समोर आला आहे. या प्रकरणी सराईत गुन्हेगाराला गुन्हे शाखेच्या पथकाने पानशेत परिसरातून अटक करण्यात आली. आरोपी येरवडा कारागृहातून संचित रजेवर (पॅरोल) बाहेर आला होता.
याबाबत सविस्तर माहिती अशी की, रोहित शंकर पासलकर (वय २३, रा. रुळे मोरदरी, ता. वेल्हे, जि. पुणे) या तरुणाला खुनाच्या गुन्ह्यात अटक झाली होती. तो काही दिवसांपूर्वीच येरवडा कारागृहातून पॅरोलवर बाहेर आला होता. जेलमधून बाहेर येताच पासलकरने पूर्वी काम करत असलेल्या एका व्यावसायिकाकडे ५० लाखांच्या खंडणीची मागणी केली.
याबाबत व्यावसायिकाने तात्काळ पोलिसांत धाव घेत तक्रार दाखल केली होती. तक्रार दाखल झाल्यानंतर आरोपी रोहित पासलकर फरार झाला होता. पोलिसांनी याबाबत अधिक तपास करत सापळा रचून आरोपीला अटक केली.
नागपूर (Nagpur) शहरातूनही अशीच एक धक्कादायक घटना समोर आली आहे. नागपुरमधील एका कोळसा व्यापाऱ्याला जीवे मारण्याची धमकी देत सात लाखांची खंडणी मागितल्याचा प्रकार उघडकीस आला. या प्रकरणी एका आरोपीला अटक करण्यात आली आहे. (Crime News In Marathi)
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.