Ahmednagar Crime: नगर हादरलं! 11 वर्षीय अल्पवयीन मुलावर 9 जणांकडून अनैसर्गिक अत्याचार

सचिन बनसोडे, साम टीव्ही, प्रतिनिधी

अहिल्यानगरमध्ये (Ahilyanagar Crime News) एक अत्यंत धक्कादायक घटना घडली आहे. येथील श्रीरामपूर शहरात 11 वर्षीय अल्पवयीन मुलावर अनैसर्गिक अत्याचार झाल्याची घटना घडली आहे. नऊ जणांनी मिळून या अल्पवयीन मुलासोबत हे कृत्य केले असून अत्याचार करणारे देखील अल्पवयीन असल्याची प्राथमिक माहिती समोर आलीये.

अत्याचार प्रकरणी पीडित मुलाच्या आईने दिलेल्या फिर्यादीवरून श्रीरामपूर पोलीस (Police ) ठाण्यात गुन्हा दाखल करण्यात आला असून आरोपींना ताब्यात घेण्यात आलंय. मिळालेल्या माहितीनुसार, 11 वर्षीय वर्षीय अल्पवयीन मुलास धमकावून हा अनैसर्गिक अत्याचार करण्यात आला. पोलीस याप्रकरणी अधिक तपास करत आहेत.

पुण्यातही ५ वर्षांच्या चिमुकल्यावर अनैसर्गिक अत्याचार

दरम्यान, पुण्यातही (Pune) अशीच एक घटना काही दिवसांपूर्वी घडली होती. येथील कोंढव्यामध्ये ५ वर्षाच्या मुलावर ३ अल्पवयीन मुलांनी लैंगिक अत्याचार केला होता. पीडित मुलासोबत पॉर्न व्हिडीओ (VIDEO) दाखवत अनैसर्गिक कृत्य करण्यात आलं होतं. याप्रकरणी ३ अल्पवयीन मुलांविरोधात गुन्हा दाखल करण्यात आला होता.

मिळालेल्या माहितीनुसार, पीडित मुलगा सोसायटीत खेळत असताना आरोप मुलांनी मोबाईलमधील अश्लील व्हिडीओ दाखवत त्याच्यावर लैंगिक अत्याचार केला. यात धक्कादायक बाब म्हणजे हा संपूर्ण प्रकार पीडित मुलाच्या मोठ्या भावासमोर घडला. पोलीस याचा तपास करत आहेत.