नांदेडमध्ये तरुणाने धावत्या ट्रेनसमोर उडी मारून केली आत्महत्या.
तरुणाचा मृतदेह इंजिनमध्ये अडकून २० किमीपर्यंत फरफटत गेला.
हिमायतनगरमध्ये मृतदेह आढळून आल्यानंतर घटना उघड झाली.
तरुणाच्या आत्महत्येचे कारण स्पष्ट झाले नसून पोलिस तपास सुरू आहे.
धावत्या रेल्वे समोर उडी घेत तरुणाने आत्महत्या केल्याची धक्कादायक घटना नांदेडमधून समोर आली आहे. आदिलाबाद येथून येणाऱ्या नंदिग्राम एक्स्प्रेससमोर उडी मारत या तरुणाने आयुष्य संपवलं. या तरुणाच्या आत्महत्येमागचं कारण समोर आले नाही. या घटनेमुळे एकच खळबळ उडाली. या तरुणाचा मृतदेह इंजिनमध्ये अडकला होता. हिमायतनगर येथे गेल्यानंतर ही घटना उघडकीस आली.
मिळालेल्या माहितीनुसार, आदिलाबादहून किनवट- हिमायतनगर- नांदेडमार्गे मुंबईला जाणाऱ्या नंदीग्राम एक्स्प्रेससमोर तरुणाने उडी मारत आत्महत्या केली. गणेश पांडुरंग लोलेपवार (२० वर्षे) असं आत्महत्या केलेल्या तरुणाचे नाव आहे. हा तरुण किनवट तालुक्यातील भिसी गावचा रहिवासी होता. गणेशने ४ वाजताच्या सुमारास ट्रेनसमोर उडी मारत आत्महत्या केली.
या तरुणाने आत्महत्या का केली यामागचे कारण अस्पष्ट आहे. तरुणाने ट्रेनसमोर उडी मारल्यानंतर त्याचा मृतदेह इंजिनला अडकला. त्याचा मृतदेह इंजिनच्या समोरच्या भागात अडकून हिमायतनगरपर्यंत फरफटत गेला. या तरुणाने आत्महत्या केल्याची ही घटना हिमायतनगरला पोहचल्यानंतर उघडकीस आली. या घटनेची माहिती तरुणाच्या कुटुंबीयांना देण्यात आली आहे. तरुणाच्या मृत्यूमुळे कुटुंबीयांना मोठा धक्का बसला.
दरम्यान, मुंबईमध्ये समोर येणारी लोकल पाहताच रेल्वे रुळावर झोपून एका तरुणाने आयुष्य संपवल्याची घटना बुधवारी घडली. कुर्ला रेल्वे स्थानकावरील प्लॅटफॉर्म क्रमांक ७ वर ही घटना घडली. पनवेलच्या दिशेने निघालेल्या लोकलसमोर हा तरुण झोपला. लोकल अंगावरून गेल्यामुळे या तरुणाचे शीर धडावेगळं झाले. हा तरुण नेरूळ येथील कॉलेजमध्ये शिक्षण घेत होता. या घटनेमुळे खळबळ उडाली. यामुळे काही काळ लोकलसेवा विस्कळीत झाली होती. या घटनेचा तपास रेल्वे पोलिस करत आहेत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.