रत्नागिरी : वेरवली धबधबानजीक दुर्देवी घटना, युवकाचा मृत्यू, कळसवली गावावर शाेककळा

रत्नागिरी जिल्ह्यात धबधब्याखाली बुडून युवकाचा मृत्यू झाल्याची घटना समाेर आली आहे. ही घटना लांजा तालुक्यात घडली आहे. वेरवली बेर्डेवाडी येथील धबधब्यामध्ये ही घटना घडली आहे. प्रथमेश तळेकर (वय 26) असे मृत युवकाचे नाव असल्याची माहिती पाेलिसांकडून मिळाली.

प्रथमेश तळेकर हा युवक राजापूर येथील कळसवलीचा रहिवासी हाेत. रविवारी दुपारी प्रथमेश आपल्या मित्रांसोबत वेरवली बेर्डेवाडी धबधबा येथे गेला होता. तेथे प्रथमेश पोहत असताना अचानक ताे बुडाला.

यामुळे एकच गाेंधळ उडाला. काहींनी त्याला पाण्यातून बाहेर काढले. त्याला तातडीने उपचारासाठी लांजा ग्रामीण रुग्णालयात दाखल करण्यात आले. त्याला वैद्यकीय अधिका-यांनी तपासले. वैद्यकीय अधिका-यांनी त्याला मृत घोषित केले. या घटनेमुळे कळसवली येथे शाेककळा पसरली.

Edited By : Siddharth Latkar