Buldhana: धक्कादायक! २५ वर्षीय तरूणाने एकाचवेळी २०० ब्लड प्रेशरच्या गोळ्या खाल्ल्या; जागीच मृत्यू

बुलढाणा: बुलढाण्यात एक धक्कादायक घटना घडली आहे. एक २५ वर्षीय युवकाने रक्तदाब नियंत्रित करण्याच्या जवळपास २०० गोळ्या घेत आत्महत्या केली आहे. त्याने दुपारी गोळ्या खाल्ल्या. तरूण बेशुद्ध असल्याचे पाहताच त्याला तातडीने रूग्णालयात नेण्यात आले. मात्र, उपचारादरम्यान त्याचा मृत्यू झाला. या प्रकरणी नांदुरा पोलीस ठाण्यात आकस्मिक मृत्यूची नोंद करण्यात आली असून, पुढील तपास पोलिसांकडून सुरू आहे.

पवन गव्हाळे (वय २५) असे मृत तरूणाचे नाव आहे. बुलढाणा जिल्ह्यातील जळगाव जामोद तालुक्यातील धानोरा महासिद्ध गावातील तो रहिवासी होता. ही दुर्देवी घटना दुपारच्या वेळेस घडली. पवन घरी एकटाच असताना त्याने एकाच वेळी रक्तदाबाच्या २०० गोळ्या घेतल्या. यामुळे त्याची प्रकृती बिघडली.

त्याला तातडीने नांदुरा येथील एका खाजगी रुग्णालयात दाखल करण्यात आलं. मात्र, उपचारादरम्यान त्याचा मृत्यू झाला. तरूणाचा मृत्यू झाल्याची माहिती समोर आल्यानंतर कुटुंबाने एकच आक्रोश केला.

या घटनेची माहिती पोलिसांना मिळाल्यानंतर या प्रकरणी नांदुरा पोलीस ठाण्यात आकस्मिक मृत्यूची नोंद करण्यात आली आहे. पवनने आत्महत्या का केली याचा तपास पोलीस करत आहेत. याचाही तपास पोलिसांकडून सुरू आहे.