Gondia News : तरुण आणि तरुणीचा संशयास्पद स्थितीत आढळला मृतदेह, शेतशिवारात नेमकं काय झालं?

शुभम देशमुख

Gondia News :

गोंदियातील देवरी तालुक्यातील पुराडा ग्रामपंचायतंर्गत येत असलेल्या गडेवारटोला शिवारातील शेतात युवक आणि युवतीचा संशयास्पद अवस्थेत मृतदेह आढळला आहे. युवक फांसावर लटकलेल्या अवस्थेत तर युवती मृतावस्थेत आढळली आहे. श्रीकांत कापगते (वय २३) आणि टिकेश्वरी मिरी (वय २१)अशी मृतांची नावे आहेत. या घटनेची नोंद सालेकसा पोलिस ठाण्यात करण्यात आली आहे.

देवरी तालुक्यातील पुराडा ग्रामपंचायत अंतर्गत येत असलेल्या गडेवारटोला येथील शिवचरण आचले यांच्या शेतशिवारात गावातील श्रीकांत कापगते याचा मृतदेह फांसावर टांगलेला आढळला. तसेच त्याच्या बाजूला एक युवती मृतावस्थेत आढळली. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

दरम्यान मृतावस्थेत असलेली युवती फुक्कीमेटा/हलबीटोला येथील असल्याचे समोर आले. विशेष म्हणजे, मृतावस्थेत आढळलेल्या युवतीच्या नाका-तोंडातून रक्त वाहिल्याचे दिसून आले आहे. पोलिसांनी घटनास्थळ गाठून पंचनामा केला आहे. दोघांचे मृतदेह शवविच्छेदनासाठी रुग्णालयात हलवण्यात आले आहेत. पुढील तपास सालेकसा पोलीस करत आहेत. (Latest Marathi News)

घातपात की आत्महत्या?

तरुण आणि तरुणीचा दोघांचे मृतदेह शेतशिवारात आढळले आहेत. तरुणाचा मृतदेह लटकलेल्या अवस्थेत आढळला आहे. तर तरुणीच्या चेहऱ्यावर काही जखमा आढळल्या आहेत. तसेच तिच्या नाका-तोंडातून रक्तस्त्राव झाल्याचंही प्रथमदर्शनी दिसत आहे.

त्यामुळे दोघांच्या मृत्यूचं नेमकं कारण काय हे शवविच्छेदन अहवालातून स्पष्ट होईल. त्यानंतर प्रेम प्रकरणातून दोघांनी आत्महत्या केली की कुणी दुसऱ्याकडून घातपात करण्यात आला? याबाबत स्पष्टता येईल.