उसनवारीच्या पैशावरून यवतमाळमध्ये महिलेचा खून; मुलगाही गंभीर जखमी

संजय राठोड

यवतमाळ : पैशाच्या वादातून महिलेचा खून झाल्याची घटना सायंकाळी घडली आहे. लोहारा पोलीस स्टेशन अंतर्गत येणाऱ्या इंदिरानगर मध्ये धक्कादायक घटना घडली आहे. सविता नरेंद्र जाधव रा. इंदिरानगर, लोहारा असे मृतक महिलेचे नाव आहे, तर या घटनेत दिशेंद्र नरेंद्र जाधव हा जखमी झाला आहे. पवन जयंत चेके रा. इचोरी याने पैशाच्या देवाण- घेवाणीतून महिलेचा खून केला आहे.

हे देखील पहा-

या दरम्यान मुलगा दिशेंद्र हा देखील जखमी झाला आहे. महिलेच्या खुनाची माहिती मिळताच लोहारा पोलिसांनी घटनास्थळी पाहणी केली आहे. पंचनामा करून मृतदेह शवविच्छेदनासाठी शासकीय रुग्णालयात रात्रीच्या सुमारास पाठविण्यात आले आहे. तसेच रात्री उशीरापर्यंत या प्रकरणात गुन्हा नोंदविण्याची प्रक्रिया सुरू होती.

शहरात नुकतेच दुहेरी हत्याकांड घडले आहे. या घटनेची शाई वाळण्यापूर्वीच पुन्हा खुनाची घटना घडल्याने शहरात मोठ्या प्रमाणात खळबळ उडाली आहे. उधारीच्या पैशातून महिलेचा खून केल्याची गंभीर घटना यवतमाळ शहरातील लोहारा मधील इंदिरा नगरात घडली आहे.

Edited By- Digambar Jadhav