22 जानेवारी ही तारीख देशाच्या राजकारणात ऐतिहासिक ठरणार आहे. याच दिवशी अयोध्येत प्रभू श्रीरामांच्या मंदिराचं लोकार्पण होणार आहे. पण याच दिवशी उद्धव ठाकरे अयोध्येत राम मंदिराला न जाता, नाशिक येथील काळाराम मंदिरात महापूजा करणार आहेत. विशेष म्हणजे या सोहळ्यासाठी उद्धव ठाकरे यांनी देशाच्या राष्ट्रपती द्रौपती मुर्मू यांनाही आग्रहाचं आमंत्रण दिलंय.
मिळालेल्या माहितीनुसार, 22 जानेवारीला राम मंदिराचा लोकार्पण सोहळा पार पडणार आहे. या सोहळ्यात देशातल्या अनेक महत्वाच्या मान्यवरांना निमंत्रीतही करण्यात आलंय. नेमकं याच सोहळ्याच्या दिवशी उद्धव ठाकरेंनी काळाराम मंदिरात महापूजेची घोषणा केली. त्यांनी या महापूजेत देशाच्या राष्ट्रपती द्रौपती मुर्मू यांनाही निमंत्रीत केलंय. (साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
मात्र याआधीच पंतप्रधान नरेंद्र मोदी यांनीही काळाराम मंदिरात जाऊन दर्शन घेतलं. मोदी आणि ठाकरे यांनी काळाराम मंदिरात जाणं याचे अनेक राजकीय अर्थ काढले जात आहेत. लोकसभा निवडणुका तोंडावर आहेत. महाराष्ट्र विधानसभेच्या निवडणुकाही त्यापाठोपाठ होण्याच्या मार्गावर आहेत. अशावेळी या दोन्ही नेत्यांकडून हिंदुत्वाचं कार्ड अधिक प्रबळ केलं जातंय का? अशा चर्चांनाही उधाण आलंय. (Latest Marathi News)
काळाराम मंदिराला धार्मीक आणि सामाजिक महत्व आहे. अस्पृश्यांना मंदिरात प्रवेश मिळवा म्हणन 2 मार्च 1930 रोजी डॉ. बाबासाहेब आंबेडकर यांनी काळाराम मंदिरात प्रवेश करण्यासाठी सत्याग्रह आंदोलन केलं होतं. बाबासाहेब आंबेडकरांच्या या आंदोलनाला सावरकरांनीही जाहीर पाठिबा दिला होता. यावरुन दलित बांधवांसाठी काळाराम मंदिर हा सामाजिक क्रांतीचा विषय आहे.
नेमकं याच ठिकाणी 22 जानेवारीला काळाराम मंदिराता महापूजा करुन उद्धव ठाकरेंना दलित बांधवांना आपल्या बाजूने खेचायचं आहे का? राष्ट्रपती द्रौपती मुर्मू यांना या महापूजेचं निमंत्रण देऊन भाजपा आदिवासी समाजातून आलेल्या महिला राष्ट्रपतींना सन्मानाची वागणूक देत नाही, हे अधोरेखीत करायचं आहे का? असे एक ना अनेक प्रश्न आता उपस्थित केले जातायेत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.