Thane Water Supply: ठाण्यात पाणीबाणी; शुक्रवारी काही भागांत पाणीपुरवठा बंद, दोन दिवस टप्प्याटप्प्याने होणार पुरवठा

ठाण्यात शुक्रवार, १३ डिसेंबर रोजी पाणी पुरवठा बंद राहण्याची माहिती देण्यात आली आहे. शहरातील काही भागांमध्ये दोन दिवस टप्प्याटप्प्याने पाणीपुरवठा होणार आहे. ठाणे महानगरपालिका (TMC) ने शहरवासीयांना याबाबत सूचना दिल्या आहेत. पाणीपुरवठा बंद राहण्याचे मुख्य कारण म्हणजे जलसंपदा विभागाच्या वतीने सुरू असलेली जलवाहिन्यांची दुरुस्ती या कामामुळे ठाण्याच्या पाणीपुरवठा योजनेत अडचणी निर्माण झाल्या आहेत.

ठाणे महापालिकेला प्राधिकरणाकडून होणारा पाणीपुरवठा शुक्रवार दि. १३ डिसेंबर रोजी सकाळी ९.०० तेशनिवारी १४ डिसेंबर रोजी सकाळी ९.०० असे २४ तास पाणीपुरवठा बंद ठेवण्यात येणार आहे. या काळात देखभाल, दुरुस्ती आवश्यक कामे तातडीचे करण्यात येणार आहे. घोडबंदर रोड, पातलीपाडा, पवारनगर, कोठारी कम्पाउंड, आझादनगर, डॉगरीपाडा, वाघबीळ, आनंदनगर, कासारवडवली, ओवळा, इत्यादी ठिकाणाचा पाणी पुरवठा १३ डिसेंबर शुक्रवार रोजी सकाळी ९.०० ते रात्री ९.०० वाजेपर्यंत बंद राहील.

तत्पूर्वी, पाणी कमी मिळालेल्या भागांमध्ये टँकर सेवा उपलब्ध करण्यात येणार आहे. नागरिकांनी टँकर सेवा आणि पाणी साठवणुकीसाठी योग्य तयारी करावी, असे आवाहन महानगरपालिकेने केले आहे. नागरिकांना पाणी कमी लागणाऱ्या काही भागांमध्ये ठराविक वेळेस पाणी मिळेल. पाणी बचतीच्या उपायांचा अवलंब करण्याचे प्रशासनाने सुचवले आहे.

दरम्यान, वरील शटडाऊनमुळे पाणीपुरवठा पुर्व पदावर येईपर्यंत पुढील १ ते २ दिवस कमी दाबाने पाणी पुरवठा होण्याची शक्यता आहे. ठाण्यात पाणीपुरवठा पूर्ववत करण्यासाठी जलवाहिन्यांच्या दुरुस्तीचे काम लवकर पूर्ण करण्याची योजना आहे. नागरिकांना होणाऱ्या अडचणींचे प्रशासन गांभीर्याने लक्षात घेत आहे आणि यावर उपाययोजना करण्याची गती लावली आहे.