Shahapur Durga Mata Temple : शहापूर येथील दुर्गा माता मंदिरात चोरीचा प्रयत्न; नागरिकांच्या सतर्कतेमुळे फसला

Washim News : चोरट्यांनी मुख्य गेटचे कुलूप तोडून चोरी करण्याचा प्रयत्न केला. यावेळी गाभाऱ्यातील कुलूप तोडण्याच्या प्रयत्नात असतानाच मुख्य गेटचे कुलूप तोडण्याचा आवाज परिसरातील जय खोडे या युवकाने ऐकला.
Washim News
Washim NewsSaam tv
Published On

मनोज जयस्वाल 
वाशीम
: चोरट्यांकडून आता मंदिर देखील लक्ष केले जात आहेत. मंदिरातील दानपेट्या किंवा मुकुट चोरून नेल्याच्या घटना घडत आहेत. अशातच वाशीम जिल्ह्यातील दुर्गा माता मंदिरात रात्रीच्या सुमारास चोरीचा प्रयत्न झाला. मात्र परिसरातील नागरिकांच्या सतर्कतेमुळे चोरीचा प्रयत्न फसला.  

वाशीमच्या शहापूर येथे प्रसिद्ध दुर्गा माता मंदिर आहे. या मंदिरात मध्यरात्री दोनच्या सुमारास चोरट्यांनी मुख्य गेटचे कुलूप तोडून चोरी करण्याचा प्रयत्न केला. यावेळी गाभाऱ्यातील कुलूप तोडण्याच्या प्रयत्नात असतानाच मुख्य गेटचे कुलूप तोडण्याचा आवाज परिसरातील जय खोडे या युवकाने ऐकला. त्यांनी तत्काळ ही घटना आपल्या मोबाईलमध्ये शूट केली आणि लोकांना याबाबत माहिती देत सतर्क केले. 

Washim News
Beed Accident : बसची दुचाकीला धडक; दोनशे फुटापर्यंत नेले फरफटत, अपघातात शिक्षकाचा जागीच मृत्यू

दुचाकी सोडून झाले पसार 

दरम्यान घटनेची चाहूल लागताच मंदिरात नेहमी येणारे भक्त मंडळी जागी झाली. तर नागरिक परिसरातील नागरिक मंदिरात येत असल्याचे पाहून चोरट्यांनी घाबरून पळ काढला आणि आपल्या दुचाकी जागेवरच सोडल्या. पोलिसांना कळविल्यानंतर घटनास्थळी पोलीस दाखल झाले आणि दुचाकी जप्त केल्या.

Washim News
Solar Pump : शेकडो शेतकरी कृषिपंपाच्या प्रतीक्षेत; पंप मिळण्यासाठी लाभार्थ्यांनी वर्षभरापूर्वी भरली १० टक्के रक्कम

चांदीचा मुकुट गेला होता चोरीला 
तर दुर्गा माता मंदिरात देखील चोरीचा प्रकार घडला होता. दरम्यान यापूर्वी संस्थानमधील दुर्गा मातेचा चांदीचा मुकुट चोरीला गेला होता. यानंतर पुन्हा चोरीचा प्रयत्न झाला. मात्र नागरिकांच्या सतर्कतेने हा प्रयत्न फसला आहे. त्यामुळे परिसरातील नागरिकांनी पोलिसांकडे रात्री गस्त वाढवण्याची मागणी केली आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com