Washim Accident : वाशिम- हिंगोली महामार्गावर भीषण अपघात, एकाचा मृत्यू; ग्रामस्थांनी रोखून धरला महामार्ग

मनोज जयस्वाल
वाशिम : वाशिम ते हिंगोली महामार्गावर तोंडगाव फाट्याजवळ सकाळी भीषण अपघात झाला. या अपघातामध्ये (Washim) एकाचा जागीच मृत्यू झाला आहे. अपघात (Accident) घडल्यानंतर संतप्त नागरिकांनी महामार्गावर आंदोलन करत रास्ता रोको केला. (Breaking Marathi News)

वाशिम- हिंगोली महामार्गावर आज सकाळी हा अपघात झाला. यात आयशर वाहनाने दुचाकीला जोरदार धडक दिल्याने हा अपघात झाला. या अपघातात दुचाकीवरील तोंडगाव येथील लक्ष्मण परसराम गोटे (वय ४०) यांचा जागीच मृत्यू झाला आहे. या अपघातानंतर ग्रामस्थांनी महामार्गावर रास्ता रोको आंदोलन केले. महामार्ग मागील एक तासापासून रोखून धरला. यामुळे महामार्गावरील वाहतूक ठप्प झाली आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

कंपनीने केले अर्धवट काम 

महामार्गाच्या कामाचा ठेका घेतलेल्या मोंटो कॉर्लो कंपनीने वळणावर अर्धवट काम केले आहे. वळणावर मार्ग अर्धवट बनवल्यामुळे ह्या ठिकाणी वारंवार अपघात होत असल्याचा आरोप करत ग्रामस्थांनी केला आहे. यामुळे महामार्गावर दगड लावून महामार्ग रोखला आहे.