- बालाजी सुरवसे
Dharashiv Crime News : महावितरणच्या सहाय्यक अभियंत्याला बेदम मारहाण करुन त्याच्या डोक्यात खुर्ची घातल्याची धक्कादायक घटना धाराशिव जिल्ह्यात घडली. या मारहाणीत सहाय्यक अभियंता रक्तबंबाळ झाला आहे. या प्रकरणी पाेलिसांनी राष्ट्रवादी काॅंग्रेसच्या तालुकाध्यक्षासह भाजपच्या नगरसेवकांवर गुन्हा दाखल केला आहे. दरम्यान या घटनेमुळे महावितरण अधिकारी कर्मचाऱ्यातुन संताप व्यक्त केला जात आहे. (Maharashtra News)
वाशी तालुक्यातील सारोळा, सोनेगाव, कवडेवाडी येथील शेतकरी तसेच गावकरी हे विजप्रश्नाबाबत तहसील कार्यालयासमोर बसले असताना राष्ट्रवादीचे तालुकाध्यक्ष सूर्यकांत सांडसे यांनी तेथे भेट दिली.
सांडसे यांनी सहाय्यक अभियंता हिंगमिरे यांना फोन केला. यावेळी फोनवर सकारात्मक चर्चा न झाल्याने त्यांनी महावितरण कार्यालयात जाऊन हिंगिरे यांना मारहाण केली आहे. डोक्यात खुर्ची लागल्याने सहाय्यक अभियंता हिंगमिरे हे रक्तबंबाळ झाले.
वाशी येथे महावितरणच्या (mahavitran) सहाय्यक अभियंत्यास मारहणार झाल्याची घटना धाराशिव जिल्ह्यात पसरली. या घटनेमुळे महावितरण अधिकारी कर्मचाऱ्यांतुन तीव्र संताप व्यक्त केला गेला. पाेलिसांनी राष्ट्रवादी काँग्रेस पक्षाचे अजित पवार गटाचे (ajit pawar faction) तालुकाध्यक्ष सांडसे आणि भाजपच्या नगरसेवकावर मारहाण केल्याची तक्रार आल्यानंतर तिघांवर वाशी पोलीस ठाण्यात गुन्हा दाखल केला.
Edited By : Siddharth Latkar
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.