Kolhapur News : कार्यकर्ते सन 2014 पासून मी मुख्यमंत्री व्हावं असे म्हणत आहेत. या गोष्टी काही नवीन नाहीत असे भाजपच्या राष्ट्रीय सरचिटणीस पंकजा मुंडे (pankaja munde in kolhapur) यांनी काेल्हापूरात नमूद केले. शिवशक्ती परिक्रमा यात्रेनिमित्त दौऱ्यावर असलेल्या पंकजा मुंडे या आज (गुरुवार) कोल्हापुरात आल्या हाेत्या. श्री करवीर निवासिनी अंबाबाईचे दर्शन घेतल्यानंतर मुंडे यांनी माध्यमांशी संवाद साधला. (Maharashtra News)
अंबाबाईचे दर्शन घेतल्यानंतर देवीला काही मागितले नाही असे मुंडे यांनी स्पष्ट केले. त्या म्हणाल्या आपण देवी चरणी सर्वांना काही ही कमी पडू देऊ नको तसेच कोणाला उपाशी झोपू देऊ नको आणि कोणाला दुसऱ्याच्या दारात जायची वेळ येऊ देऊ नको. आपल्या दारात आलेल्या माणसाला रिकाम्या हाती जाऊ देऊ नको अशी प्रार्थना केल्याचे मुंडेंनी नमूद केले.
मुंडे म्हणाल्या गेल्या अनेक वर्षांपासून मी मुख्यमंत्री व्हावे अशी इच्छा कार्यकर्ते व्यक्त करत आहेत, मात्र हे काही नवीन नाही. मी सध्या शिव शक्ती परिक्रमा यात्रा करत असून ज्योतिर्लिंग आणि साडेतीन शक्तीपीठे यांसह पंढरपूर अक्कलकोट या सर्व ठिकाणी जाऊन दर्शन घेत आहे.
या यात्रेला नागरिकांचा मोठा प्रतिसाद मिळत असून ठिकठिकाणी जंगी स्वागत होत आहे. दरम्यान काँग्रेस कडून देखील सध्या जनसंवाद यात्रा सुरू असून त्यांची जनसंवाद यात्रा आणि माझी यात्रा ही पूर्णपणे वेगळी आहे असे एका प्रश्नावर उत्तर देताना मुंडे यांनी स्पष्ट केले. त्यांच्या यात्रेत उपस्थित केलेले प्रश्न हे त्यांचे आहेत असेही त्यांनी नमूद केले.
मी माझ्या स्थानी योग्य आहे आणि याचं मला काहीही वाटत नाही असे मुंडेंनी तुम्हांला मागच्या रांगेत ठेवण्यात आले आहे का या प्रश्नावर उत्तर देताना स्पष्ट केले.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
