Vinayak Raut : नारायण राणेंनी तिकीट मिळवून दाखवावं, मग धमकीची भाषा वापरावी; विनायक राऊत यांचं ओपन चॅलेंज

Vinayak Raut Latest news : केंद्रीय मंत्री नारायण राणे यांनी उद्धव ठाकरे आणि संजय राऊत यांच्यावर केलल्या टीकेचा खरपूस समाचार ठाकरे गटाचे खासदार विनायक राऊत यांनी घेतला आहे.
vinayak raut
vinayak raut saam tv

विनायक वंजारे, सिंधुदुर्ग

सिंधुदुर्ग : केंद्रीय मंत्री नारायण राणे यांनी उद्धव ठाकरे आणि संजय राऊत यांच्यावर केलल्या टीकेचा खरपूस समाचार ठाकरे गटाचे खासदार विनायक राऊत यांनी घेतला आहे. नारायण राणे यांनी उद्धव ठाकरेंना इशारा दिल्यानंतर विनायक राऊत यांनी टीका केली. 'नारायण राणे यांनी आधी लोकसभेचं तिकीट मिळवून दाखवावं. त्यानंतर धमकीची भाषा वापरा, असा शब्दात विनायक राऊत यांनी नारायण राणेंना ओपन चॅलेंज दिलं.

खासदार विनायक राऊत यांनी माध्यमांशी संवाद साधताना नारायण राणेंवर टीका केली. 'कोणाच्या बापाचा बाप जरी आला तरी उद्धव ठाकरेंना रोखण्याची कोणाची हिंमत नाही. नारायण राणे यांची धमकीची भाषा ऐकण्याचे दिवस आता गेले आहेत. राणेंनी धमकी द्यायची. नितेश राणेंनी सरपंचांना धमकी द्यायची. निलेश राणेंनी मिमिक्री करायची, एवढ्यासाठीच राणे कुटुंब राहिलेलं आहे, अशी टीका विनायक राऊतांनी केली.

vinayak raut
Madha Constituency: रामराजेंना भूमिका पटली नाही तर राजकारणातून संन्यास घेईन, माेहिते-पाटलांच्या भेटीनंतर रघुनाथराजे लागले निवडणुकीच्या कामाला

'नारायण राणे हे केंद्रीय लघू व मध्यम उद्योग खात्याचे जिल्ह्यातील पहिले लाभार्थी आहेत. लोकांचं भलं करण्यापूर्वी स्वत:चं भलं करायला निघाले आहे, असा आरोप विनायक राऊत यांनी केला.

नारायण राणे यांच्या आरोपावर भाष्य करताना राऊत म्हणाले, ' नारायण राणेंनी नरेंद्र मोदी आणि अमित शहांची सगळी यंत्रणा कामाला लावा आणि माझ्या मुलाने पैसे घेतले हे सिद्ध करा. अन्यथा राणेंनी तोंड बंद करावं आणि हिमालयात जावे. स्वत: दुसऱ्याची पारख करण्याची सवय राणेंना आहे. टक्केवारी तुमचा मुलगा काम करतो. ठेकेदाराने पैसे दिले नाही म्हणून ब्रिजवर नेऊन त्यांना चिखल मारता'.

vinayak raut
Madha Lok Sabha: माढा लोकसभा मतदारसंघात नवा ट्वीस्ट; विश्वासू शिलेदार सोडणार शरद पवारांची साथ?

आशिष शेलार यांनी आज विनायक राऊत यांना पराभवासाठी शुभेच्छा, असा खोचक टोला लगावला. आशिष शेलार यांच्या टीकेला उत्तर देताना विनायक राऊत म्हणाले, 'आशिष शेलार सारखा नौटंकी करणारा माणूस मी महापालिकेपासून बघत आहे. त्यांना फार किंमत द्यायची गरज नाही'.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com