Political News: 'CM शिंदेंना उद्धव ठाकरेंच्या द्वेषाची कावीळ झालीये'; ठाकरे गटाच्या नेत्याचा हल्लाबोल

तबरेज शेख

Vinayak Raut News : मुख्यमंत्री एकनाथ शिंदे यांनी काल खेडच्या गोळीबार मैदानात सभा घेत उद्धव ठाकरेंवर जोरदार टीकास्त्र सोडलं. मुख्यमंत्र्यांनी उद्धव ठाकरे यांच्यावर जोरदार टीका केल्यानंतर ठाकरे गटाचे नेते, खासदार विनायक राऊत यांनी मुख्यमंत्र्यांवर जोरदार प्रत्युत्तर दिलं आहे. 'एकनाथ शिंदेंना उद्धव ठाकरेंच्या द्वेषाची कावीळ झाली आहे, असं म्हणत विनाय राऊत यांनी जोरदार निशाणा साधला आहे. (Latest Marathi News)

मुख्यमंत्र्यांच्या सभेला उत्तर देताना विनायक राऊत म्हणाले, ' मुख्यमंत्री एकनाथ शिंदे (Eknath Shinde) यांना उद्धव ठाकरेंच्या द्वेषाची काविळ झाली आहे. मालेगावची उद्धव साहेबांची सभा एक लाख गर्दीची होणार हे त्यांना दिसणार नाही. फक्त ते पोपटपंची करतात. त्यांची स्वतःची स्क्रिप्ट नाही. कालचे भाषण वाचून दाखवले. त्यामुळे जनसमुदाय निघून गेले. बाळासाहेबांचा उल्लेख आम्ही काय करायचा, बेईमानी लोकांनी शिकवू नये. हिंदूहदय बाळासाहेब हे आमच्या हृदयात आहे'.

'राज्यातील अवकाळी पावसावर भाष्य करताना राऊत म्हणाले, 'अवकाळी पावसामुळे शेतकऱ्यांचे मोठे नुकसान झाले आहे. दोन दिवसांपूर्वी सिन्नरला मुख्यमंत्री म्हटले की शेतकऱ्यांचे 100 टक्के नुकसानभरपाई आम्ही देऊ. कोकणात काल सभा घेतली. इकडून तिकडून लोक जमा केले, असाही आरोप विनायक राऊत (Vinayak Raut) यांनी केला.

'तुम्ही सगळीकडे शासकीय विमानाने जाऊन एक तास भाषण करता, लोक उठून जातात पण शेतकऱ्यांच्या बांधावर जायला त्यांना वेळ नाही. शेतकऱ्यांचे पंचनामे पण होत नाहीत मदत कधी करणार ? मुख्यमंत्र्यांसह कोणत्याही मंत्र्याला वेळ नाही', अशी टीका राऊत यांनी केली.

'किसान मार्च मधील शेतकरी मृत्यू झाला, कुटुंबाना अर्थसाहाय्य ते करू शकले नाही. खोके द्यायला त्यांच्याकडे पैसे आहेत. 24 तासाच्या आत शेतकऱ्यांना मदत करा अशी आमची मागणी आहे, असेही राऊत म्हणाले.