- सिद्धेश म्हात्रे
Teachers Constituency Election : कोकण शिक्षक मतदारसंघ निवडणुकीतही (Kokan Teachers Constituency Election) आता ट्विस्ट आला आहे. अर्ज मागे घेण्याच्या शेवटच्या दिवशी भाजपाला बंडखोर अपक्ष उमेदवार वेणूनाथ कडू यांचा बंड थंड करण्यात यश आले आहे. अपक्ष उमेदवार वेणूनाथ कडू यांनी त्यांचा उमेदवारी अर्ज (application) मागे घेतला आहे.
वेणूनाथ कडू यांनी अर्ज मागे घेतल्यानंतर भाजपा (BJP) उमेदवार ज्ञानेश्वर म्हात्रे यांना पाठींबा जाहीर केला आहे. गत निवडणुकीत वेणूनाथ कडू हे भाजपचे उमेदवार होते. यंदा मात्र पक्षाने त्यांना उमेदवारी नाकारली.
त्यामुळे नाराज झालेल्या वेणूनाथ कडू यांनी कोकण शिक्षक मतदारसंघातून अपक्ष उमेदवारी अर्ज दाखल केला होता. आज त्यांनी उमेदवारी मागे घेतली. वेणूनाथ कडू यांच्या माघारीने भाजपाचे उमेदवार ज्ञानेश्वर म्हात्रे (dnyaneshwar mhatre) यांचा मार्ग सुकर झाला आहे. दरम्यान या घडामाेडींमुळे महाविकास आघाडीचे (mva) उमेदवार बाळाराम पाटील (Balaram Patil) यांचा मार्ग खडतर असल्याची चर्चा राजकीय वर्तुळात आहे. (Maharashtra News)
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
