Vanchit Yuva Aghadi : अकाेला कृषी विभागास 'वंचित'च्या पदाधिका-याची मंगळवारपर्यंतची डेडलाईन

- हर्षदा सोनोने

Akola News : शेतकऱ्याचे काम सांगितलेल्या मुदती न झाल्यास कृषी अधीक्षक कार्यालयात तोडफोड करू असा इशारा वंचित युवा आघाडीचे प्रदेश महासचिव राजेंद्र पातोडे यांनी आज (शुक्रवार) अकाेला कृषी विभागास दिला. (Maharashtra News)

अकोला जिल्ह्यातील राजंदा येथील नऊ शेतकरी गेले वर्षभर जिल्हा कृषी कार्यालयात अनुदानसाठी फेऱ्या मारत आहेत. या सर्व शेतकऱ्यांनी आज जिल्हा कृषी अधीक्षक कार्यालयातील जिल्हा कृषी अधिकारी किरवे यांच्या कार्यालयात ठिय्या मांडला.

दरम्यान जिल्हा कृषी अधिकारी बेजबाबदार पद्धतीने कार्यालय सोडून गेल्याचा दावा शेतक-यांनी केला. यावेळी पोलीस आणि वंचित युवा आघाडीचे पदाधिकारी या कार्यालयात पोहोचले. त्यानंतर उपस्थित अन्य अधिका-यांनी मंगळवार पर्यंत संबंधित प्रश्न सोडविण्याची लेखी हमी शेतक-यांना दिली.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

यावेळी मंगळवार पर्यंत संबंधित शेतकऱ्याचे काम न झाल्यास कृषी अधीक्षक कार्यालयात तोडफोड करू असा इशारा वंचित युवा आघाडीचे प्रदेश महासचिव राजेंद्र पातोडे यांनी अधिका-यांना दिला.

Edited By : Siddharth Latkar