Ulhasnagar News : खदानीत बुडून तरुणाचा मृत्यू; मित्रांसोबत गेला होता पोहायला

उल्हासनगर : उल्हासनगरजवळील म्हारळगावातील क्रांतीनगर येथे राहणारा तरूण ७ ते ८ मित्रांबरोबर (Ulhasnagar) खदानीजवळील धबधब्‍यावर पोहयला गेला होता. पाण्यात उतरल्‍यानंतर त्‍याला पोहता येत नसल्‍याने त्‍याचा बुडून मृत्‍यू (death) झाल्‍याची घटना घडली आहे. (Breaking Marathi News)

उल्हासनगरजवळील म्हारळगावातील उमेश अंबादास सोनवणे हा १४ जुलैला सायंकाळी म्हारळ हद्दीतील खदानीजवळ असलेल्या धबधब्यावर गेला होता. तिथेच खाली असलेल्या खदानमध्ये टीशर्ट धुतो आणि एक डुबकी मारून येतो; असे आपल्या मित्रांना सांगितले. खदान खोल असल्यामुळे व उमेशला पोहता येत नसल्यामुळे तो बुडाला. त्याला बुडताना काही मित्रांनी पाहिले. यानंतर त्याला वाचवण्यासाठी दोरी फेकली असता उमेश एकदा वर आला पण त्यानंतर तो आलाच नाही.

मित्रांमधील एकालाही पोहता येतं नसल्यामुळे कोणीही पाण्यात उतरले नाही. बराच वेळानी अग्निशामक दलांनी त्या ठिकाणी येऊन शोधण्यासाठी गळ टाकला. पण उमेशचा शोध लागला नाही. नंतर आधारवाडी अग्निशामक दलानी स्पीड बोटच्या साह्याने आत गेल्यानंतर त्याला बाहेर काढले. यावेळी उल्हासनगर व कल्याण येथील अग्निशामक दलाच्या अथक प्रयत्नानंतर उमेशचे शव बाहेर काढण्यात आले. खदान परिसरात म्हारळ ग्रामपंचायतीने सूचना फलक लावण्याची गरज आहे.