Nandurbar Tribal Agitation: आदिवासी मोर्चाला हिंसक वळण; आंदोलनात दगडफेक,वाहनांची तोडफोड

सागर निकवाडे, साम प्रतिनिधी

नंदूरबारमधील आदिवासींच्या मोर्चाला हिंसक वळण लागलं. आंदोलनात दगडफेक झाल्यानंतर वाहनांची तोडफोड झालीय. आंदोलकांनी जिल्हाधिकारी कार्यालयातील गाड्यांची तोडफोड केली. त्यानंतर हिंसक आंदोलकांना पांगवण्यासाठी पोलीस दलाकडून अश्रूधूरांच्या नळकांड्या फोडण्यात आल्या. या दगडफेकीत काही पोलीस कर्मचारी आणि आंदोलक जखमी झालेत.

दगडफेकीत पोलीस कर्मचारी आणि काही आंदोलक जखमी झालेत. पूर्ण मोर्चा शांततेत पार पडल्यानंतर काही उपद्रव्यांनी जिल्हाधिकारी कार्यालयातील उभ्या असलेल्या गाड्यांची तोडफोड केली. बंदोबस्ताला असलेल्या पोलीस आणि उपद्रव्यांमध्ये चकमक घडली. काही उपद्रव्यांनी पोलीस कर्मचाऱ्यांवर दगडफेक केली. त्यानंतर पोलिसांनी जमावावर नियंत्रण मिळवण्यासाठी अश्रूधुरांच्या नळकांड्या फोडल्या.

या दगडफेकीच्या घटनेत एक पोलीस अधिकारी एक पोलीस कर्मचारी आणि सामाजिक कार्यकर्ते मालती वळवी देखील जखमी झाल्या आले. आदिवासींचा मूक मोर्चा निघाला होता,आंदोलक निवेदन देण्यासाठी जिल्हाधिकारी कार्यालयात आले होते त्यावेळी काही उपद्रव्यांनी कार्यालयातील परिसरातील वाहनांची तोडफोड केली पोलिसांवर दगडफेक केली.

का करण्यात आलं आंदोलन?

काही दिवसापूर्वी नंदूरबारमध्ये एका मुलावर चाकू हल्ला झाला होता त्यात त्याचा मृत्यू झाला होता. त्यानंतर आदिवासी समाज खूप आक्रमक झाला. या घटनेचा निषेध करत याविरोधात मोर्चा काढला. आरोपींवर कडक कारवाई करण्यात यावी यासाठी जिल्हाधिकाऱ्यांना निवेदन देण्यात आलं. निवेदन देताना जिल्हाधिकारी कार्यालयात आलेल्या काही उपद्रव्यांनी कार्यालयातील वाहनांची तोडफोड केली.