- नवनीत तपाडिया
औरंगाबाद : भावाकडे राखी बांधायला (Raksha Bandhan) निघालेल्या बहिणीच्या मंगळसूत्रावर चोरट्यांनी डल्ला मारल्याचा प्रकार नुकताच शहरात (Aurangabad) उघडकीस आला आहे. स्वातंत्र्याच्या अमृत महोत्सवी वर्षानिमित्त शहरात चोख बंदोबस्त असताना देखील चोरट्यांचा सुळसुळाट वाढल्याने नागरिकांत भितीचे वातावरण आहे. (Aurangabad Crime News)
पुंडलिक नगर पोलीस ठाण्याच्या हद्दीतील विशाल नगर येथे महिला आपल्या भावाला राखी बांधण्यासाठी रात्री नऊ वाजता त्यांच्या दाेन मैत्रिणींसमवेत निघाल्या होत्या. मात्र भावाने गिफ्ट देण्याच्या अगोदरच चोरट्यांनी त्यांच्याच मंगळसूत्रावर डल्ला मारला.
या महिला विशाल नगर येथील रस्त्याने जात असताना समोरून मोटारसायकल वरून येणाऱ्या दोन चोरट्यांनी त्यांच्या गळ्यातील मंगळसूत्र हिसकावले आणि धूम ठोकली. महिलांनी भामट्यांचा पाठलाग केला. मात्र त्याला पकडून शकल्या नाहीत. दरम्यान ही सर्व घटना तिथे असलेल्या सीसीटीव्ही कॅमेऱ्यात कैद झाली आहे.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
