- अमर घटारे
Amravati News : अमरावती जिल्ह्यात 24 हजार शेतकरी पिक विमात अपात्र करण्यात आल्याने एकच गाेंधळ उडाला आहे. तसेच 13 हजार शेतकाऱ्यांना अद्याप विमा मिळाला नसल्याने स्वाभिमानी शेतकरी संघटनेने (Swabhimani Shetkari Sanghatana) आज (शुक्रवार) (amravati) जिल्हा कृषी कार्यालयावर आंदोलन छेडले. (Maharashtra News)
अमरावती जिल्ह्यात खरीप व रब्बी हंगामात अतिवृष्टीमुळे शेतकऱ्यांचे मोठ्या प्रमाणावर नुकसान झाले. तसेच अवकाळी पावसामुळे देखील नुकसान झालं. मात्र पीक विमा काढूनही विविध कारणे देऊन अमरावती जिल्ह्यातील 24 हजार शेतकऱ्यांना पिक विम्यात अपात्र करण्यात आले. तर जिल्ह्यतील 13 हजार शेतकऱ्यांना पिक विमा मिळालेला नाही.
त्यामुळे आज स्वाभिमानी शेतकरी संघटनेच्या वतीने अमरावती जिल्हा कृषी अधीक्षक कार्यालयावर मोर्चा काढत आंदोलन करण्यात आले. अमित अढाऊ (स्वाभिमानी शेतकरी संघटनेचे जिल्हाध्यक्ष) म्हणाले पिक विमा कंपनीला कृषी विभाग पाठीशी घालत आहे. पीक विमा कंपनीने शेतकऱ्यांची फसवणूक केली. त्यामुळे पिक विमा कंपनीवर गुन्हे दाखल करण्यात यावे अशी मागणी अढाऊंसह आंदाेलकांनी केली.
अपात्र शेतकऱ्यांना पात्र करून शेतकऱ्यांना पिक विमा देण्यात यावा ही मागणी स्वाभिमानी शेतकरी संघटनेने केली. दरम्यान कृषी कार्यालयावर स्वाभिमानी शेतकरी संघटनेचे आंदोलन झाल्याने तत्काळ तेथे मोठा पोलीस बंदोबस्त तैनात करण्यात आला.
Edited By : Siddharth Latkar
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.