Kunbi Caste Certificate : 'या' जिल्ह्यात शनिवार, रविवारी कुणबी प्रमाणपत्र वितरणासाठी विशेष शिबिर

- बालाजी सुरवसे

Dharashiv News :

मराठा आंदाेलक मनोज जरांगे पाटील (manoj jarange- patil) यांच्या १० फेब्रुवारी रोजीच्या आंदोलनाच्या इशाऱ्यानंतर शासनाने आता कुणबी प्रमाणपत्र (kunbi certificate) वितरणाला गती देण्यासाठी हालचाली सुरू केल्या आहेत. न्यायमूर्ती शिंदे समीती व विभागीय आयुक्तांनी धाराशिव जिल्ह्यातील जिल्हाधिकारी कार्यालयात व्हिडिओ कॉन्फरन्सद्वारे आढावा बैठक घेतली. या बैठकीत अधिका-यांना महत्वपूर्ण सूचना करण्यात आल्या. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

धाराशिव जिल्ह्यात प्रशासनाने ४२ लाख २५ हजार २४२ अभिलेखाची तपासणी केल्यानंतर ३४४० नोंदी सापडल्या आहेत. तर वंशावळ जुळणाऱ्या ४३७२ व्यक्तींनी कुणबी प्रमाणपत्र देण्यासाठी प्रशासनाकडे अर्ज केले आहेत. (Maharashtra News)

आत्तापर्यंत ४१४९ मराठा बांधवांना कुणबी प्रमाणपत्र देण्यात आले आहे अशी माहिती जिल्हाधिकारी डॉ.सचिन ओम्बासे (dharashiv collector sachin ombase) यांनी दिली. येत्या १० व ११ फेब्रुवारीला धाराशिव जिल्ह्यात विशेष कॅम्प घेण्यात येणार आहे. या कॅम्पमध्ये कुणबी प्रमाणपत्र (kunbi caste certificate latest news) वितरित करण्यात येणार आहेत अशी सुचना जिल्हाधिकारी डॉ.सचिन ओंबासे यांनी साम टीव्हीशी बाेलताना दिली.

Edited By : Siddharth Latkar