Dharashiv : अन्नातून महिलांना विषबाधा, आमदारांसह भाजप नेत्यांची धाराशिव रुग्णालयात धाव

- बालाजी सुरवसे

Dharashiv Food Poisioning News :

धाराशिव जिल्ह्यात पुरणपोळी खाल्ल्यानंतर ३० पेक्षा अधिक नागरीकांना विषबाधा झाल्याची घटना समाेर आली आहे. ही घटना कळंब (kalamb) तालुक्यातील परतापुर (partapur) येथे घडली आहे. या घटनेनंतर काही महिलांना अधिक उपचारासाठी धाराशिव जिल्हा रुग्णालयात आज (गुरुवार) दाखल करण्यात आले आहे. (Maharashtra News)

धाराशिव जिल्ह्यातील कळंब तालुक्यातील परतापुर येथे एका कुटुंबाने सुवासिनींसाठी कार्यक्रम आयोजित केला होता. तेथे गाेडधाेड खाल्ल्यानंतर काही महिलांची सुमारे तीन तासांनंतर तब्येत बिघडली. त्यानंतर तातडीने नागरिकांनी त्यांना खाजगी रुग्णालयात दाखल केले.

त्यानंतर आज (ता. ८) काही महिलांना धाराशिव जिल्हा रुग्णालयात दाखल करण्यात आले आहे. धाराशिवच्या जिल्हा वैद्यकीय महाविद्यालयात ३० पेक्षा जास्त महिला न नागरिकांना दाखल करण्यात आले आहे. यामध्ये बहुतांश महिलांचा समावेश आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

या रुग्णालयात आमदार कैलास पाटील (mla kailas patil) ,भाजपा नेते नितीन काळे (bjp leader nitin kale) यांनी रुग्णालयात भेट देऊन रुग्णांची विचारपूस केली. तसेच नेत्यांनी वैद्यकीय अधिकारी यांना योग्य उपचार करण्याबाबत सूचना दिल्या.

दरम्यान विषबाधा कशामुळे झाली हे सर्वांचे रक्ताचे नमुन्यांचे अहवाल आल्यानंतर समजू शकेल अशी माहिती रुग्णालय प्रशासनाने दिली.

Edited By : Siddharth Latkar