Buldhana Crime News: लग्न होत नसल्याच्या निराशेतून मुलाचं जन्मदात्या पित्यासोबत भयंकर कृत्य; मन सुन्न करणारी घटना

Buldhana News : जळगावजामोद तालुक्यातील पिंपळगांव काळे येथून जवळच असलेल्या आडोळ फाटा शिवारा येथील हरी दयाराम तायडे यांच्या विट भट्टीवर काम करणाऱ्या मुलाचे वयाचे चाळीस वर्षे झाले तरी वडील लग्न करून देत नाही या वादावरून पिता पुत्रामध्ये शाब्दीक चकमक झाली. (Latest Marathi News)

या वादाचे रुपांतर हाणामारीत झाले. मुलगा भानसिंग भैरड्या वय ४० याने पिता नानासीग भैरड्या वय ६० यांचे डोक्यात काठीने मारहाण केली. यातच पित्याचा मृत्यू झाला. सदर घटनेची माहीती कामावरील मजुराने विट भट्टी मालक मयूर हरी तायडे यांना फोन वरून दिली. तर या घटने प्रकरणी मयूर हरी तायडे यांनी पोलीस स्टेशन जळगांवजामोद येथे फिर्याद दाखल केली आहे. (Buldhana Crime)

पितापुत्र कहुपट्टा जामोद परीसरातील आदिवासी असून वीट भट्ट्यावर मजूरीचे काम करतात. या प्रकरणी आरोपी मुलास ताब्यात घेऊन अटक करण्यात आली आहे. या घटनेचा पुढील तपास जळगाव जामोद पोलीस स्टेशनचे ठाणेदार दिनेश झांबरे यांच्या मार्गदर्शनाखाली राऊत मेजर करीत आहे.

Edited By - Shivani Tichkule