Pune Crime News : घरखर्चासाठी पैसे न दिल्याने पत्नीकडून पतीवर चाकूने वार, पुण्यातील धक्कादायक प्रकार

सचिन जाधव

Pune News : पत्नीने पतीवर हल्ला केल्याची धक्क्यादायक घटना पुण्यातून समोर आली आहे. घरखर्चासाठी पैसे न दिल्याने पत्नीने पतीवर चाकूने वार केले. कोंढवा परिसरात शिवनेरीनगर येथे ही घटना घडली आहे. या प्रकरणी पोलिसांनी पत्नीविरुद्ध गुन्हा दाखल केला असून पतीवर खासगी रुग्णालयात उपचार सुरू आहेत. (Pune News)

इम्रान खान (वय 46 वर्ष)असं जखमी झालेल्या पतीचे नाव आहे. या प्रकरणी इम्रानची पत्नी नाझनीनविरुद्ध गुन्हा दाखल करण्यात आला आहे. इम्रानचे वडील उस्मान यांनी या संदर्भात कोंढवा पोलीस ठाण्यात फिर्याद दिली आहे. (Crime News)

रमजान महिना सुरू असल्याने नाझनीनने इम्रानला घरखर्चास पैसे मागितले होते. इम्रानने पैसे देण्यास नकार दिल्याने नाझनीन आणि इम्रान यांच्यात वाद झाला. रागाच्या भरात नाझनीने स्वयंपाकघरातील चाकुने इम्रानवर वार केले. जखमी इम्रानवर खासगी रुग्णालयात उपचार सुरू असल्याची माहिती पोलिसांनी दिली. अधिक तपास कोंढवा पोलीस करत आहेत.