Solapur News: मोबाईल घेऊन न दिल्याने बारावीच्या विद्यार्थ्याने संपवलं जीवन; मन सुन्न करणारी घटना

Solapur 12th Student Death News

सोलापूर जिल्ह्यातून एक धक्कादायक घटना समोर आली आहे. आई-वडिलांनी मोबाइल घेऊन न दिल्याने बारावीत शिकत असलेल्या एका तरुणाने गळफास घेत आपली जीवनयात्रा संपवली आहे. सोलापूर जिल्ह्यातील कुसूर गावात शनिवारी रात्रीच्या सुमारास ही घटना घडली. या घटनेनं मोठी खळबळ उडाली आहे. (Latest Marathi News)

आकाश राजकुमार पुजारी, असे मृत तरुणाचे नाव आहे. मिळालेल्या माहितीनुसार, आकाश हा मंद्रूप मधील महात्मा फुले माध्यमिक आणि उच्च माध्यमिक विद्यालयात बारावीच्या वर्गात शिकत होता. मला मोबाईल घेऊन द्या, अशी मागणी तो आपल्या आई-वडिलांकडे करीत होता.

मात्र, घरची परिस्थिती बेताची (Solapur News) असल्याने आई-वडिलांनी आकाशला मोबाईल घेऊन देण्यास नकार दिला. यावरुन आकाशला राग अनावर झाला. याच रागाच्या भरात त्याने शेतात जाऊन लिंबाच्या झाडाला गळफास घेतला. रविवारी पहाटेनंतर आकाश घरात न दिसल्याने आई-वडिलांनी त्याची शोधाशोध घेतली.

यावेळी आकाशचा मृतदेह शेतात गळफास घेतलेल्या अवस्थेत आढळून आला. या घटनेची माहिती गावकऱ्यांनी पोलिसांना दिली. माहिती मिळताच पोलिसांनी तातडीने घटनास्थळी धाव घेत आकाशचा मृतदेह ताब्यात घेतला. याप्रकरणी मंद्रूप पोलीस ठाण्यात आकास्मित मृत्युची नोंद करण्यात आली आहे.

Edited by - Satish Daud