सोलापुरात डीजेवर नाचताना अभिषेक बिराजदारचा मृत्यू
हृदयविकाराचा झटका आल्यानंतर तो अचानक कोसळला
रुग्णालयात नेण्यात आलं पण डॉक्टरांनी मृत घोषित केलं
व्हिडिओ सोशल मीडियावर व्हायरल; डीजेच्या दुष्परिणामांवर चर्चा
डीजेच्या तालावर नाचताना एका तरूणाचा ह्रदयविकाराच्या झटक्यानं मृत्यू झाला आहे. ही धक्कादायक घटना सोलापूरात घडली. त्याचा डिजेच्या तालावर नाचत असतानाचा व्हिडिओ व्हायरल झाला होता. मात्र, काहीवेळानंतर तो खाली बसला आणि कोसळला. तरूणाला तातडीनं रूग्णालयात दाखल करण्यात आले. डॉक्टरांनी तपासून मृत घोषित केले. या घटनेनंतर परिसरात खळबळ उडाली आहे.
अभिषेक बिराजदार असे हृदयविकाराच्या झटक्याने दुर्दैवी मृत्यू झालेल्या तरुणाचे नाव आहे. तो सोलापुरातील रहिवासी असल्याची माहिती आहे. अभिषेक या तरूणाचा काही वेळापूर्वीचा डीजेच्या तालावर ठेका धरत असतानाचा व्हिडिओ व्हायरल होत आहे. डीजेच्या तालावर ठेका धरत असताना त्याला अस्वस्थ जाणवलं.
यामुळे अभिषेक काही वेळासाठी खाली बसला. मात्र, त्यानंतर खाली कोसळला. स्थानिकांनी त्याला तातडीने रूग्णालयात उपचारासाठी दाखल केले. मात्र, डॉक्टरांनी त्याला मृत घोषित केले. या घटनेची माहिती पोलिसांना मिळताच त्यांनी घटनास्थळी धाव घेतली. तसेच शहरातील फौजदार चावडी पोलीस ठाण्यात आकस्मिक मृत्यूची नोंद करण्यात आली.
अभिषेक या तरूणाच्या मृत्यूनंतर बिराजदार कुटुंबावर दु:खाचा डोंगर कोसळला आहे. तसेच स्थानिकांनी हळहळ व्यक्त केली. यानिमित्ताने कर्णकर्कश्य डीजेचा मुद्दा ऐरणीवर आला आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.