लग्नाला जाणारे दाम्पत्य रहस्यमयरित्या बेपत्ता
शेवटचे लोकेशन वडनेर गावाजवळ पोलिसांना मिळाले
कुटुंबीयांनी घाबरून तातडीने पोलिसात तक्रार दाखल केली
घातपाताचा प्राथमिक अंदाज
संजय जाधव, बुलढाणा
तेलंगणा राज्यातील लग्न सोहळ्यासाठी आपल्या खासगी कारने निघालेलं दाम्पत्य रहस्यमयरित्या बेपत्ता झाल्याचं समोर आलं आहे. याबाबत या दांपत्याच्या नातेवाईकांनी नांदुरा पोलिसात तक्रार दाखल केली असून या घटनेची सखोल चौकशी होत आहे. पोलिसांच्या प्राथमिक अंदाजानुसार हा घातपात असल्याचं म्हटलं जात आहे. यानंतर गावात भीतीचे वातावरण निर्माण झाले आहे.
मिळालेल्या माहितीनुसार, जळगाव जिल्ह्यातील पद्मसिंह दामू पाटील हे तेलंगणा राज्यातील सीतापुरम येथील एका खाजगी सिमेंट कंपनीमध्ये कार्यरत आहेत. पद्मसिंह दामू पाटील आणि त्यांची पत्नी नम्रता हे त्यांच्या स्वतःच्या चार चाकी वाहनाने जळगाव खान्देश जिल्ह्यातील पाचोरा येथे लग्न सोहळ्याला जाण्यासाठी निघाले होते.
मात्र ते लग्न सोहळ्याला पोचलेच नाही. शिवाय परत घरी देखील आले नाहीत. त्यामुळे त्यांच्या काळजीने कुटुंबीयांनी शोध घेण्याचा आतोनात प्रयत्न केला. मात्र ते कुठे सापडलेच नाही. त्यांच शेवटच मोबाईल लोकेशन हे बुलढाणा जिल्ह्यातील खामगाव ते मलकापूर दरम्यान महामार्गावर असलेल्या वडनेर गावाजवळ आढळून आलं.
त्यानंतर हे दाम्पत्य रहस्यमयरित्या बेपत्ता झाल्याची तक्रार दांपत्याच्या नातेवाईकांनी नांदुरा पोलिसात दाखल केली आहे. यानुसार आता पोलिसांच पथक या दांपत्याच्या शोधासाठी निघालेल आहे. अचानक बेपत्ता झालेल्या दांपत्याच्या घटनेमागे घातपाताचा संशय ही व्यक्त होत आहे. पोलीस या घटनेचा अधिक तपास करत असून या घटनेची पायामुळं खणून काढत आहेत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.