Nashik Accident Video : ट्रक चालकाच्या एका चुकीने गेला ४ जणांचा जीव, नाशिकमधील थरारक अपघाताचा VIDEO समोर

नाशिक जिल्ह्यात शुक्रवारी भीषण अपघाताची घटना घडली. मुंबई-आग्रा महामार्गावरील आडगावजवळ भरधाव आयशर ट्रकने एका कारला समोरून जोरदार धडक दिली. अपघात इतका भीषण होता, की दोन्ही वाहनांचा अक्षरश: चक्काचूर झाला. या अपघातात कारमधील ४ जणांचा जागीच मृत्यू झाला. दरम्यान, या भीषण अपघाताचा सीसीसीटीव्ही व्हिडीओ समोर आला आहे.

अपघाताचा हा सीसीटीव्ही व्हिडीओ (Accident CCTV Video) पाहून अनेकांना धडकी भरली आहे. व्हिडीओत तुम्ही पाहू शकता, मुंबई-आग्रा महामार्गावरून सुसाट वेगाने वाहने धावत आहेत. त्याचवेळी एक भरधाव आयशर ट्रक येतो आणि दुभाजकाला धडकून विरुद्ध दिशेने येणाऱ्या एका कारवर आदळतो. क्षणार्धात दोन्ही वाहनांचा चक्काचूर होतो.

अपघातानंतर सुसाट वेगात असलेला आयशर रस्त्याच्या कडेला असलेल्या झाडावर जाऊन आदळतो. तर कार गोल फिरून (Viral Video) एका बाजूला जाऊन कोसळते. दरम्यान, अपघात झाल्यानंतर परिसरातील नागरिक दोन्ही वाहनांच्या दिशेने धावताना दिसतात. पण कारमधील मृत व्यक्तींना पाहून कुणाचीही मदत करण्याची हिंमत होत नाही.

यावेळी काहीजण तातडीने पोलिसांना फोन करतानाही दिसून येत आहे. अनेकदा अपघात कुणाच्या चुकीमुळे झाला हे पोलिसांना कळत नाही. कारण, दोन्ही वाहने रस्त्याच्या मध्यभागी आडवी पडलेली असतात. तर काहीवेळा रस्त्याच्या कडेला जाऊन देखील उलटतात. मात्र, नाशिकमधील या अपघाताचा थरार सीसीटीव्ही कॅमेऱ्यात कैद झाल्याने पोलिसांच्या तपासाला गती मिळणार आहे.