Shivsena: '५० खोक्यांमधील आज १ खोका दिसला' संजय शिरसाटांच्या बेडवरूममधील व्हिडिओवर शिवसेनेच्या आमदाराचा हल्लाबोल

Minister Sanjay Shirsat Viral Video: मंत्री संजय शिरसाट यांचा सिगारेट ओढतानाचा आणि बेडखाली पैशांची बॅग असलेला व्हिडिओ व्हायरल. विरोधकांचा हल्लाबोल, आदित्य ठाकरेंनी भ्रष्टाचारावरून केली जोरदार टीका.
Shivsena MLA Aditya Thackeray Slams Shirsat
Shivsena MLA Aditya Thackeray Slams ShirsatSaam Tv News
Published On

राज्याचे मंत्री आणि शिंदे गटाचे नेते संजय शिरसाट यांचा एक व्हिडिओ सोशल मीडियावर प्रचंड व्हायरल झाला आहे. या व्हिडिओमध्ये शिरसाट बेडवर बसलेले दिसत आहे. त्यांच्या हातात सिगारेट आणि फोनवर संभाषण करताना दिसत आहेत. विशेष म्हणजे, त्यांच्या बेडखाली एक बॅग ठेवलेली असून, ती पैशांनी भरलेली असल्याचा दावा केला जात आहे. या व्हिडिओमुळे राजकीय वर्तुळात खळबळ उडाली आहे. विरोधकांनी शिरसाट यांच्यावर टीकेची तोफ डागली. या प्रकरणावर ठाकरे गटाचे आमदार आदित्य ठाकरे यांनी जोरदार हल्लाबोल केला.

शिरसाट यांच्यावर टीका करत आदित्य ठाकरे म्हणाले, 'गेल्या अडीच वर्षात ३३ देशांमध्ये गद्दारांची नोंद घेण्यात आली. पन्नास खोके एकदम ओके, त्यातील १ खोका आज दिसला असेल. हा व्हिडिओ आता व्हायरल होत आहे', असं आदित्य ठाकरे म्हणाले. 'परवा एक आमदार हाणामारी करताना दिसला. आज एक खोक्यासोबत बसले आहेत. आता ते सांगतील, तिथे महात्मा गांधी छापलेले बनियन होते. बाकी काही त्यात नव्हतं. पण त्या व्हिडिओमध्ये स्पष्टपणे दिसत आहे', असं ठाकरे म्हणाले.

Shivsena MLA Aditya Thackeray Slams Shirsat
हायवेनंतर जंगल! TMC काँग्रेस नेता अन् भाजप महिला नेता एकाच कारमध्ये; रात्री नेमकं काय घडलं? VIDEO व्हायरल

'ते मंत्री आहेत. त्यांच्यावर आधीपासूनच हॉटेल बळकावणे, जमीन हडपणे यांसारखे गंभीर आरोप आहेत. मुख्यमंत्र्यांनी देखील चौकशीचे आदेश दिले होते. पण आता प्रश्न असा आहे की, या गँगचे बॉस भ्रष्टनाथ मिंधे त्यांच्यावर कारवाई करणार का? ते बिलकुल कारवाई करणार नाही', असंही आदित्य ठाकरेंनी स्पष्ट केलं.

आयटीच्या नोटीशीबाबत आदित्य ठाकरे म्हणाले, 'कालच त्यांना आयटीची नोटीस आली असूनही ते ऐटीत फिरत आहेत. भाजप खरोखरंच भ्रष्टाचाराविरोधात कारवाई करणार का, हे पाहावं लागेल', असा हल्लाबोल यावेळी त्यांनी केला.

Shivsena MLA Aditya Thackeray Slams Shirsat
Shocking: प्रसिद्ध इन्फ्लुएंसर अडकली होती वेश्याव्यवसायात; ६ वर्षानंतर अशी झाली सुटका; भयंकर अनुभव सांगताना म्हणाली...

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com