शिवसेना आमदार संजय गायकवाड यांचे घुमजाव !

संजय जाधव

बुलढाणा : खामगाव तालुक्यातील चितोडा गावातील दोन कुटुंबाचा वाद चिघळवण्याचा प्रयत्न करणाऱ्या व ऍट्रॉसिटी कायद्याविरोधात बेताल वक्तव्य करणाऱ्या तसेच मातोश्री वरुन आलेल्या आदेशावरुन आपण गावात आलो असल्याच्या सर्व वक्तव्यांवर शिवसेना आमदार संजय गायकवाड यांनी आता घुमजाव केले आहे. Shiv Sena MLA Sanjay Gaikwad takes back Statement

हे देखील पहा -

आपला मतदार संघ सोडून भाजपा आमदार आकाश फुंडकर यांच्या मतदार संघात शिवसेना आमदार संजय गायकवाड यांनी चितोडा गावात जाऊन एका विशिष्ट समाजाला चिथावनी देण्याचा व सामाजिक वातावरण कलुषित करण्याचा प्रयत्न केला होता.

मातोश्री वरुन आदेश आल्याने मी या गावात आलो असल्याचे वायरल झालेल्या व्हिडिओमध्ये स्पष्ट झाले होते. असे असताना आता गायकवाड म्हणतात की, माझे बुलढाणा येथील कार्यालयाचे नाव मातोश्री आहे. तिथून इथे आलो असल्याचे स्पष्ट करत आपला बचाव करण्याचा केविलवाणा प्रयत्न संजय गायकवाड यानी केला आहे.

तसेच मी ऍट्रॉसिटी कायद्याविरोधात बोलालो त्यामुळे आहे. मात्र त्यामुळे संपूर्ण दलित समाजाच्या भावना कधीही दुखावणार नाहीत. फक्त काही नेत्यांच्या भावना दुखावल्या असतील असे सांगत या राज्यात 10 ते 20 टक्के दलित नेते ऍट्रॉसिटीच्या नावावर पोट भरतात त्यांच्यासाठी मी बोललो असून यावर मी ठाम असल्याचे त्यांनी स्पष्ट केले आहे.

Edited By : Krushnarav Sathe