Accident : कारची दुचाकीला जोरात धडक, एकनाथ शिंदेंच्या शिलेदाराचा जागेवरच मृत्यू, शिवसेनेवर शोककळा

Beed Shiv Sena Leader Death : अहिल्यानगर महामार्गावर कार आणि दुचाकीच्या धडकेत शिवसेना नेत्याचा जागेवरच मृत्यू झाला. चंद्रकांत शहाजी इंगळे (५०) असे मृत शिवसेना नेत्याचे नाव आहे. रविवारी संध्याकाळी बीड जिल्ह्यात केजमधील ढाकेफळ परिसरात झालेल्या अपघातात स्थानिक शिवसेना नेते चंद्रकांत शहाजी इंगळे यांचे निधन झाले. अपघातानंतर कार चालक घटनास्थळावरून पळून गेल्याचे पोलिसांनी सांगितले.

मिळालेल्या माहितीनुसार, इंगळे हे एका धार्मिक कार्यक्रमानंतर दुचाकीने घराकडे निघाले होते. त्याचवेळी ढाकेफळमध्ये काळाने घाला घातला. एका कारने इंगळेंच्या दुचाकीला जोरात धडक दिली. भीषण अपघात त्यांच जागेवरच मृत्यू झाला. अपघातानंतर बीडमधील शिवसैनिकांवर शोककळा पसरली. अपघाताची माहिती मिळताच पोलिसांनी तात्काळ घटनस्थळावर धाव घेतली. पोलिसांनी कार चालकावर गुन्हा दाखल केला असून तपास सुरू केला आहे. अपघातस्थळावर पोलिसांनी पंचनामा करत मृतदेह पोस्टमार्टमसाठी पाठवला आहे.

पोलिसांनी दिलेल्या माहितीनुसार, चंद्रकांत इंगळे हे एका धार्मिक कार्यक्रमातून दुचाकीवरून घरी परत येत होते. त्यावेळी अचानक मागून एका कारने दुचाकीला जोरात धडक दिली. अपघातात त्यांना गंभीर दुखापत झाली. स्थानिकांनी तात्काळ पोलिसांना आणि रुग्णवाहिकेला अपघाताची माहिती दिली. पण तोपर्यंत खूप उशीर झाला होता. इंगळे यांचा मृत्यू झाला होता. पोलिसांनी पंचनामा केला अन् मृतदेह शवविच्छेदनासाठी रुग्णालयात पाठवला.

चंद्रकांत इंगळे हे उपमुख्यमंत्री एकनाथ शिंदे यांच्या नेतृत्वाखालील शिवसेनेच्या कैजमधील युनिटचे उपाध्यक्ष होते. इंगळे हे परिसरातील शिवसेनेचे सक्रीय नेते म्हणून ओळखले जात होते. आजूबाजूच्या ठिकाणाच्या सामाजिक आणि धार्मिक कार्यक्रमांमध्ये वारंवार उपस्थित राहत होते. त्यामुळे स्थानिकांमध्ये शोककळा पसरली. इंगळे यांच्या पश्चात त्यांची पत्नी आणि दोन मुले आहेत. या आकस्मिक निधनामुळे कुटुंबावर दुःखाचा डोंगर कोसळला आहे. नातेवाईक आणि समर्थक त्यांना श्रद्धांजली वाहण्यासाठी पोहोचल्याने घरात शोकाचे वातावरण पसरले आहे.