Shirdi News: पोलीस ठाण्याच्या आवारातील बसमध्ये एकाने घेतला गळफास: शिर्डी येथील प्रकार

सचिन बनसोडे

शिर्डी (अहमदनगर) : काही कारणास्तव पोलिसांकडून वाहन जप्त करण्यात आलेली असतात. अशाच प्रकारे जप्त केलेली खासगी बस पोलीस (Police) स्टेशनच्या आवारात उभी करण्यात आली होती. या (Shirdi) बसमध्ये एकाने गळफास घेत आत्महत्या केल्याचा प्रकार समोर आला आहे. (Latest Marathi News)

शिर्डी पोलीस स्टेशनच्या आवारात हा प्रकार उघडकीस आला आहे. गेल्या अनेक महिन्यांपासून शिर्डी पोलिसांच्या ताब्यात असलेल्या खाजगी ट्रॅव्हल बसमध्ये एका इसमाने गळफास घेऊन आत्महत्या केल्याची घटना आज सकाळी उघडकीस आली. कोपरगाव तालुक्यातील कोळपेवाडी येथील तोसिफ इनामदार (वय ३४) असे मयताचे नाव असल्याची प्राथमिक माहिती समोर आली. 

पोलिसांकडून तपास सुरु 

शिर्डी पोलीस ठाण्याच्या आवारात आत्महत्या झाल्याने एकच खळबळ उडाली आहे. मात्र आत्महत्या करणारा इसम कोण असून त्याने आत्महत्या का केली? याबाबत पोलीस अधिक तपास करत आहे.