Kolhapur: महाडिक-सतेज पाटलांचा वाद चिघळला; राजाराम कारखान्याच्या 'एमडी'ला कपडे फाटेपर्यंत मारहाण

Kolhapur News:

कोल्हापुरात राजाराम कारखान्याच्या संचालकाला मारहाण झाल्याची धक्कादायक घटना घडली आहे. सतेज पाटील गटाच्या कार्यकर्त्यांनी ही मारहाण केली आहे. आज मंगळवारी रात्री कसबा बावड्यात मारहाणीचा प्रकार घडला आहे. या घटनेनंतर परिसरात एकच खळबळ उडाली आहे. (Latest Marathi News)

ऊसावरून राजकारण

आज मंगळवारी सकाळी ऊस उत्पादक सदस्यांचा ऊस वेळेत नेत नसल्यावरुन सतेज पाटील यांनी उत्पादकांचा साखर सहसंचालक कार्यालयावर मोर्चा काढला होता. यावेळी सतेज पाटील यांनी साखर कारखान्याने सभासदांचा ऊस येत्या आठ दिवासांत नाही नेल्यास राजाराम कारखान्यावर धडक देणार असल्याचा इशारा दिला. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

ऊस नेण्यावरून राजकारण सुरु असल्याचं आरोप सतेज पाटील यांनी केला होता. कारखान्याच्या कारभारावरही सतेज पाटील यांनी टीका केली. सतेज पाटील यांच्या टीकेनंतर कोल्हापुरातील राजकीय वातावरण पेटलं आहे.

सतेज पाटील यांच्या नेतृत्वात मोर्चा

सतेज पाटील यांनी सकाळी कारखान्याच्या विरोधा मोर्चा काढला. त्यानंतर आज मंगळवारी रात्री सतेज पाटील यांच्या कार्यकर्त्यांकडून राजाराम कारखान्याच्या संचालकाला मारहाण झाल्याची घटना घडली. कसबा बावड्यात संचालकाला मारहाण झाल्याची घटना घडली आहे. या घटनेनंतर महाडिक-सतेज पाटील गटाचा वाद आणखी चिघळल्याचे समोर आले आहे.