भाईचा बर्थडे..! सांगलीत 'मुळशी पॅटर्न', १० जणांसोबत स्टेजवर गेला, गुप्तीने अंगावर केले वार, वाढदिवसाच्या सेलीब्रेशनमध्ये दुहेरी हत्याकांड

विजय पाटील, सांगली प्रतिनिधी

mulshi pattern style murder shocks sangli maharashtra : दुहेरी हत्याकांडाने सांगली जिल्हा हादरलाय. मुळशी पॅटर्न चित्रपटातील एखाद्या प्रसंगाप्रमाणेच सांगलीत थरार घडला. वाढदिवसाच्या पार्टीत १०-१२ जणांसोबत आला. जेवण केले अन् स्टेजवर शुभेच्छा द्यायला गेला. त्यावेळी गुप्ती काढली अन् उत्तम मोहिते यांच्यावर सपासप वार केले. वाढदिवसालाच उत्तम मोहिते यांचा मृत्यू झाला. तर हल्ला करणाऱ्याचे नाव शाहरुख शेख असे आहे. मोहितेंवर शेख याने वर्चस्वातून हल्ला केल्याचे प्राथमिक तपासातून समोर आले. मोहितेंच्या माणसांनी त्याचवेळी शेखवर हल्ला केला. त्याला बेदम मारले. उपचारावेळी शेख याचाही मृत्यू झाला. सांगलीमधील या दुहेरी हत्याकांडाने एकच खळबळ उडाली आहे.

दलित महासंघाचे अध्यक्ष उत्तम मोहिते यांचा मुळशी पॅटर्न स्टाईलने घरात घुसून निर्घृण खून करण्यात आला आहे. याच घटनेदरम्यान एका हल्लेखोराचा देखील मृत्यू झाला. अगदी हुबेहूब मुळशी पॅटर्न चित्रपटातील दृश्याप्रमाणे हा सगळा थरार घडला आहे. सांगली शहरांमध्ये दुहेरी खूनाच्या घटनेने एकच खळबळ उडाली आहे. दलित महासंघ मोहिते गटाचे संस्थापक अध्यक्ष उत्तम मोहिते यांचा धारदार शत्रांनी खून करण्यात आला आहे. धक्कादायक म्हणजे उत्तम मोहिते यांच्यावर हल्ला करताना हल्लेखोरांच्या मधील एकाचा चाकू लागून मृत्यू देखील झाला आहे.

उत्तम मोहिते हे सांगलीतील सामाजिक कार्यकर्ते, दलित महासंघ मोहिते गटाचे ते संस्थापक अध्यक्ष देखील होते. सांगली शहरातल्या वेगवेगळ्या प्रश्नांवर हटके पद्धतीने मोर्चे काढण्यासाठी त्यांची ओळख होती. त्याशिवाय उत्तम मोहितेंवर गंभीर स्वरूपाचे गुन्हे देखील दाखल होते. मंगळवारी उत्तम मोहिते यांचा वाढदिवस होता. घरासमोरच उत्तम मोहितेंनी स्टेज टाकले होते.. डिजिटल फ्लेक्स लावले, जेवणाची पंगत, केक कापण्याचा कार्यक्रम ठेवला. त्यावेळी उत्तम मोहितेंवर हल्ला करणारे हल्लेखोर देखील कार्यक्रमाला उपस्थित होते. त्यानंतर शुभेच्छा देताना उत्तम मोहिते आणि हल्लेखोरांच्या मध्ये वादावाद झाली. त्यानंतर काही वेळातच मोहितेंवर हल्ला चढवला.

आठ ते दहा जणांकडून उत्तम मोहिते यांच्यावर घरात घुसून हल्ला केला. हा हल्ला होत असताना यामध्ये हल्लेखोर असणारा शाहरुख शेख याला चाकूचा वर्मी घाव मांडीला बसला. त्यामध्ये तो गंभीर जखमी झाला. त्याला शासकीय रुग्णालयामध्ये उपचारासाठी दाखल करण्यात आले. मात्र उपचार सुरू असताना सकाळी त्याचा मृत्यू झाला. उत्तम मोहिते यांच्या खूनाच्या घटने प्रकरणी आठ जणांच्या विरोधात गुन्हे दाखल करण्यात आले. काही जणांना ताब्यात देखील घेण्यात आले आहे.