Pune : मुंब्र्यानंतर पुण्यात छापेमारी, कोंढव्यात एकजण ताब्यात, दहशतवादी जुबेर हंगरगेकरसोबत कनेक्शन

maharashtra ats raid pune after delhi terror attack : दिल्लीमधील दहशतवादी हल्ल्यानंतर महाराष्ट्रात अलर्ट जारी करण्यात आलाय. त्यानंतर राज्यातील एटीएस पथकाकडून ठिकठिकाणी छापेमारी केली जातोय. मंगळवारी मुंब्रा येथे शिक्षकाच्या घरात धाड टाकली होती. आज महाराष्ट्र एटीएसने पुण्यातील कोंढवा भागात छापेमारी केली. दहशतवादी जुबेर हंगरगेकर याच्यासोबत संपर्कात असल्याच्या संशायवरून त्याला ताब्यात घेण्यात आलेय. दरम्यान, जुबेर हंगरगेकर याला काही दिवसांपूर्वी एटीएसने अटक केली होती.

दहशतवाद विरोधी पथकाकडून पुण्यातील एका व्यक्तीला ताब्यात घेतले असून त्याची कसून चौकशी केली जात आहे. दहशतवादी जुबेर हंगरगेकर याच्याशी संबंध असल्याच्या संशयावरून छापेमारी करत त्याची चौकशी करण्यात येत आहे. त्या व्यक्तीच्या घराची झडती घेतली जात आहे. त्याच्या घरातून काही संशयास्पद वस्तू मिळण्याची शक्यता पोलिसांनी व्यक्त केली. महाराष्ट्र एटीएसकडून राज्यात अनेक ठिकाणी छापेमारी केली जात आहे.

मुंब्र्यात शिक्षकाच्या घरावर धाड -

महाराष्ट्र एटीएसकडून ठाणे जिल्ह्यातील मुंब्रा परिसरात मंगळवारी मोठी कारवाई करण्यात आली. काही दिवसांपूर्वी पुण्यात एटीएसने केलेल्या कारवाईत काही संशयितांना अटक करण्यात आली होती. या आरोपींच्या चौकशीत मुंब्रा येथे राहणाऱ्या एका शिक्षकाचा संबंध असल्याचे उघड झाल्यानंतर एटीएसने ही धाड टाकली. मिळालेल्या माहितीनुसार, एटीएसच्या पथकाने मुंब्रा येथील कौसा विभागात या शिक्षकाच्या निवासस्थानी तपास मोहीम राबवली. या वेळी अधिकाऱ्यांनी घराची तपासणी करून मोबाईल फोन, संगणक आणि काही कागदपत्रे ताब्यात घेतली आहेत. त्यानंतर संबंधित शिक्षकाला अधिक चौकशीसाठी मुंबईतील कुर्ला परिसरातील त्याच्या दुसऱ्या घरात नेण्यात आले असून, तिथे एटीएसची तपास मोहीम सुरू आहे.

माझ्या नवऱ्याचा संबंध नाही, शिक्षकाची बायको काय म्हणाली?

माझ्या पतीचा यात काहीही संबंध नाही. पुण्यामध्ये अटक केलेल्या व्यक्तीशी माझा काहीही संबंध नाही.. ते गेल्या अनेक वर्षांपासून मुंबई मधील एका महाविद्यालयात विद्यार्थ्यांना शिकवत असून रिटायर झाल्यानंतर ते घरीच असायचे.. त्यांना उगीच या मधे अडकवण्यात येत आहे.. असे यावेळी ATC मधील अटक संशयित आरोपी इब्राईम खलील आपदी यांच्या पत्नी म्हणाल्या.